ዉል

I.ይህ  ዉል  (ከዚህ በኋላ "ደንቦች እና ሁኔታዎች"  እየተባለ የሚጠራው) የቴሌብር መላ የብድር አገልግሎት ላይ ተፈጻሚ የሚሆኑ አጠቃላይ ደንብ እና ሁኔታዎች ያካትታል፡፡

IIእነዚህ ደንቦችና ሁኔታዎች  እንዲሁም  ከዚህ  ጋር  የተያያዙ  ማሻሻያዎች  እና  ለውጦች የቴሌብር  መላ  አነስተኛ  የብድር  አገልግሎት  በግለሰብ  ደንበኛዉ  ተነበው  ተቀባይነት  ሲያገኙ     ("ለማስጀመር " የሚለውን  ምርጫ  ሲጫን)  በደንበኛው ላይ ተፈጻሚ ይሆናሉ፡፡

1.  ትርጓሜ

በዚህ ደንቦች እና ሁኔታዎች  ውስጥ የተዘረዘሩ ቃላት የሚከተለውን ትርጉም ይይዛሉ፡-

• "ዳሽንባንክ" ማለት  ቁጥጥር  የሚደረግበት የፋይናንስ  ተቋም  ሲሆን  ከኢትዮ ቴሌኮም ጋር    በመተባበር  ለቴሌብር ደንበኞች  መላ  አነስተኛ  የብድር  አገልግሎት  ለመስጠት የተስማማ የፋይናንስ ተቋም  ነው።
• "ኢትዮቴሌኮም"  ማለት የክፍያ መፈጸምያ ሰነድ አዉጭነት ፍቃድ ያለው እና ዳሽን ባንክ ለሚሰጠዉ መላ አነስተኛ የብድር አገልግሎት  ሥራ ለማመቻቸት ከዳሽን ስምምነት ያለው  ተቋም ነው፡፡
• "የኢትዮጵያብሔራዊ ባንክ"  ማለት በአዋጅ ቁጥር. 718/2003 (1282/2015 እንደተሻሻለዉ) መሠረት  ለፋይናንስ  ተቋማት ፍቃድ ለመሰጠትና ሥራቸዉን ለመቆጣጠር ሥልጣን ያለዉ ተቋም ነው።
• "ቴሌብር”  ማለት ደንበኞች የሞባይል ስልካቸዉን  በመጠቀም  የፋይናንስ አገልግሎቶችን  ለማግኘት የሚያስችል የኢትዮ ቴሌኮም የሞባይል ገንዘብ አገልግሎት የንግድ ስም   ነው።
• "የቴሌብር  አካውንት"  ማለት የቴሌብር ተጠቃሚ ደንበኞች  በኤሌክትሮኒክስ መንገድ ገንዘብ የሚያስቀምጡበት፣ የሚላላኩበት እና የሚቀበሉበት  አካዉንት ነዉ፡፡
• "መላ አነስተኛ የብድር አገልግሎት"  ማለት በዳሽን  ባንክና በኢትዮ ቴሌኮም የጋራ ትብብር ግለሰብ ደንበኞች በኤሌክትሮኒክ ገንዘብ አነስተኛ መጠን ያለው ብድር በቴሌብር አማካኝነት የሚያገኙበት የአገልግሎት ዓይነት ነው።
• “መላ  መዳረሻ  አነስተኛ  የብድር  አገልግሎት”  ማለት ለግል እና ለመንግስት ተቋማት ሰራተኞች ከየተቋማቸዉ ጋር በሚደረግ ስምምነት በዚህ ደንብ እና ሁኔታዎች መሰረት በቴሌብር አማካኝነት  ዳሽን ባንክ  ከኢትዮ  ቴሌኮም  ጋር  በመተባበር  የሚያቀርበዉ  የብድር   አገልግሎት ነው፡፡
• “ግለሰብ ደንበኛ” ማለት የተፈጥሮ ሰዉ ሆኖ  በስሙ የቴሌብር አካውንት ያለዉና  ቴሌብር መላ አነስተኛ የብድር አገልግሎት ለመዉሰድ የተስማማ  ሰዉ ማለት ነው። 
• “ኤሌክትሮኒክ ገንዘብ/ኢ- መኒ”  ማለት ከ ኢትዮጵያ ብር ጋር  እኩል መጠን ያለው ገንዘብን   የሚወክል ደንበኛው  የሚያስተዳድረዉ አና በደንበኛዉ የቴሌብር ሂሳብ  ዉስጥ የሚገኝ   የኤሌክትሮኒክስ  የገንዘብ ዋጋ ነው።
• "አንተ" ወይም " የአንተ"  ማለት የግለሰብ ደንበኛ ማለት ሲሆን  የግለሰቡን  የግል ተወካዮችም ያጠቃልላል።
• "እኛ" "አኛን"  እና "የእኛ"  ማለት  ዳሽን ባንክ እና ኢትዮ ቴሌኮም ማለት  ነው፡፡
• “የአገልግሎት ክፍያ ” ማለት መላ አነስተኛ ብድር አገልግሎት በመጀመሪያዉ ቀን በግለሰብ  ደንበኞች የሚፈፀም ክፍያ   ነው ::
• ”ዕለታዊ ክፍያ ” ማለት ሳይከፈል በቀረዉ የዕዳ መጠን ላይ ግለሰብ ደንበኛዉ በወሰደዉ የብድር ዓየነት መሠረት በየዕለቱ የሚፈፀም የክፍያ ዓይነት ነዉ ፡፡
• "የቅጣት ክፍያ" ማለት  ግለሰብ ደንበኛዉ በገባዉ ዉል መሠረት የብድሩን ገንዘብ ሳይከፍል የቀረ እንደሆን የሚከፍለዉ ገንዘብ ነዉ፡፡
• "የክፍያ ቀን " ማለት ግለሰብ  ደንበኛዉ የወሰደዉን ብድር ከፍሎ እንዲያጠናቅቅ የሚጠበቅበት የመጨረሻዉ ቀን ነወ ፡፡
• "የተበላሸ ብድር"  ተበዳሪዉ  ብድሩን  አጠናቆ  እንዲከፍል  ከሚጠበቅበት  የመጨረሻዉ  ዕለት ጀምሮ  ከሚቆጠር 90 ቀናት በኋላ ያልተከፈለ ብድር ማለት ነዉ፡፡
• በአነስታይ ፆታ የተገለፁ ለተባዕታይ ፆታ እንደዚሁም በተባዕታይ ፆታም የተገለፁ ለአነስታይ ፆታ ያገለግላሉ
• ግለሰብ የሚለዉ ቃል ወንድና ሴት ፆታን ለመግለፅ ያገለግላል፡፡

2. ደንብ እና ሁኔታዎችን ስለመቀበል
   • ይህአነስተኛ የብድር አገልግሎት ዳሽን ባንክ ከኢትዮ ቴሌኮም ጋር በመተባበር የሚያቀርበዉ ሲሆን ለብድሩ የዋለዉ ገንዘብ በዳሽን ባንክ  የቀረበ ነዉ ፡፡
   • መላ አነስተኛ የብድር አገልግሎትን ለማስጀመር ግለሰብ ደንበኛዉ USSD (*127#) ወይም የቴሌብርን መተግበሪያ መጠቀም ይችላል ፡፡
   • መላየብድር አገልግሎትን ለመጠቀም ከማመልከትዎ በፊት ይህን ደንብ እና ሁኔታዎች በጥንቃቄ በማንበብ እና በመረዳት መስማማት ይኖርብዎታል፡፡
   • በእነዚህ ደንቦችና ሁኔታዎች ካልተስማሙ እባክዎን ከዝርዝር ምርጫዉ  “ለማስጀመር”  የሚለውን ምረጫ  አይጫኑ፡፡
   • “(ለማስጀመር)” የሚለውን አማራጭ ሲጫኑ ደንብ እና ሁኔታዎችን በማንበብ ተረድተው ለማክበር መስማማትዎን እንዳረጋጋጡ ወይም  ብድር  ክፍያን ለመጠቀም  እንደተስማሙ ይወሰዳል።
   • መላ አነሰተኛ  የብድር አገልግሎትን ከኢትዮ ቴሌኮም ጋር ለመተግበር እና የክሬዲት አገልግሎትን በኤሌክትሮኒካዊ መንገድ ብቻ በቴሌብር  ለመጠቀም ተስማምተዋል።
   • ደንብ እና ሁኔታዎች ከጊዜ ወደ ጊዜ በኢትዮ ቴሌኮም እና/ወይም  በዳሽን ባንክ ሊሻሻሉ ወይም ሊለወጡ የሚችሉ ሲሆን ይህንንም ለዉጥ የሚያስገነዝብ ማሳሰቢያ አስቀድሞ እንዲደርስዎት ይደረጋል። እነዚህ ለዉጦች በቴሌብር ፖርታል በቴሌብር መተግበሪያ ወይም ድረ ገጽ ላይ ከተለቀቁበት ዕለት ጀምሮ ተግባራዊ ይደረጋሉ፡፡
   • ደንብና ሁኔታዎች በኤሌክትሮኒክስ መንገድ ተቀባይነት ካገኘበት ጊዜ ጀምሮ በእርስዎ እና በእኛ መካከል በህጋዊ መንገድ አስገዳጅ ውል ይሆናሉ።በዚህ በዚህ ስምምነት ስር ያለዎትን ማንኛውንም መብት ወይም ግዴታ ለሌላ ለማንም ማስተላለፍ አይፈቀድልዎትም።
   • ግለሰብ ደንበኛውገንዘቡን ለህጋዊ  ዓላማ  ብቻ ለማዋል ተስማምቷል።

3. 3.የብድርአገልግሎትን ለማስጀመር

የብድር አገልግሎትን ከኢትዮ ቴሌኮም እና ዳሽን ባንክ ጋር ለማስጀመር ቢያንስ፡-

• እነዚህንደንቦችና ሁኔታዎችን ሊያነቡ፣ሊረዱ እና ሊስማሙ ይገባል፣
• 18ዓመት እና ከዚያ በላይ መሆን፣
• አገልግሎት የሚሰጥ የኢትዮ ቴሌኮም ሲም ካርድ መያዝ፣
• የቴሌብር እና የኢትዮ ቴሌኮም አገልግሎቶችን እንደ ዳታ/ድምጽ/አጭር የጽሁፍ መልዕክት የሚጠቀሙ መሆን አለብዎት
• የቴሌብር የደንበኝነት ቆይታ 3 ወር እና ከዛ በላይ መሆን አለበት

4. መላአነሰተኛ  ብድር  ለማግኘት መሰረታዊ መስፈርቶች፤
   • የግለሰብ ደንበኛው የመበደር አቅም፣ ደንበኛው የብድር ክፍያ አገልግሎት ለመጠቀም ጥያቄ ካቀረበበት ቀን በፊት ባደረገው የ6 ወር የቴሌብር የገንዘብ እንቅስቃሴ፣ቀደም ሲል የወሰደዉን ብድር የመክፈል ታሪክእና በቴሌኮም አገልግሎት አጠቃቀም ይወሰናል። ከታች ያሉት የቴሌብር ግብይቶች የደንበኛ የብድር አቅምን ለማስላት ይውላሉ።

• የአየርሰዓት መሙላት ወይም ጥቅል መግዛት (በራስ አገዝ ወይመ ከወኪሎች)፣
• ዕቃወይም አገልግሎት በመግዛት ግብይት መፈጸም፣
• ቢልክፍያ (በራስ አገዝ ወይም ከወኪሎች)፣
• ለእርስዎወይም የሌላ ደንበኛ የፍጆታ አገልግሎት ክፍያ (በራስ አገዝ ወይም ከወኪሎች)፣
• በልክ ዲስፐርስመንት (የቀን ሠራተኞች ክፍያ ፣ደመወዝ ፣ዕርዳታ፣ጡረታ፣…) ክፍያ በቴሌብር መቀበል፣
• ከውጭአገር ገንዘብ መቀበል፣
• የትኬት ግዢ፣
• ለገንዘብማሰባሰቢያ የእርዳታ ክፍያ( ፈንድ ረይዚንግ)፣
• በቴሌብር ወኪሎች በኩል ገንዘብ መቀበልና ወጪ ማድረግ፣
• የቁጠባአገልግሎት፣
• ገንዘብመላክ፣
• የቴሌኮምፍጆታ (ድምጽ፣ ዳታ ወይም መልዕክት)፣
• በቴሌብር የተወሰደን ብድር በአግባቡ የመክፈል የቀደመ ታሪክ ፡፡
• ብቁለመሆን ደንበኞች ከቴሌኮም አገልግሎት ፍጆታ በተጨማሪ የቴሌብር አገልግሎት መጠቀም አለባቸው፡፡
  • መላመዳረሻ ብድር ለማግኘት ወርሃዊ ደሞዝን በቴሌብር አማካኝነት መቀበል እና ከሚሰራበት ተቋም ጋር የሚደረግ  ስምምነት በቂ ነዉ፡፡

5. የብድሩ መጠን እና ክፍያ
   • የግቢይት መጠንዎን መሠረት በማድረግ በሚፈቀደው ዝቅተኛ እና ከፍተኛ የክሬዲትመጠን መካከል ማንኛውንም መጠን መበደር ይችላሉ፡፡
   • በሚኒስትሮች ምክር ቤት ደንብ ቁጥር 576/2018 መሠረት ለኢትዮጵያ የአደጋ ስጋት ምላሽ ፈንድ ከጠየቁት ጠቅላላ የብድር መጠን ላይ አንድ በመቶ (1%) ተቀናሽ ተደርጎ ቀሪዉ ወደ ቴሌብር አካውንትዎ ገቢ ይደረጋል፡፡
   • ሌላ ብድር ለማግኘት መጀመሪያ ከቴሌብር የወሰዱትን ብድር መክፈል ይጠበቅብዎታል፡፡
   • ያለብዎትን ብድር በከፊል ወይም በሙሉ በአንድ ጊዜ መክፈል ይችላሉ፡፡
   • እንደየ ብድሩ  ዐዓይነት  ብድሩን  ከወሰዱበት  ዕለት  ጀምሮ    የብድር መክፈያ ቀነ ገደብ   1 ቀን ፣  7  ቀን  30 ቀን    እና 50  ቀን   ነዉ፡፡
   • ለመላ ዕለታዊ ዝቅተኛዉ የብድር መጠን 100.00 ብር ሲሆን ከፍተኛዉ 2,00 ነዉ ፣ ለመላ ሣምነንታዊ ዝቅተኛዉ የብድር መጠን 100.00 ብር ሲሆን ዝቅተኛዉ 5,000.00 ነዉ ፣ ለመላ ወርሀዊ ዝቅተኛዉ የብድር መጠን 600.00 ሲሆን ከፍተኛዉ 15,000.00 ብር ነዉ ፣ ለመላ የ50 ቀን ዝቅተኛዉና ከፍተኛዉ የብድር መጠን 30,000.00 ነዉ፡፡
   • ያለብዎትንዕለታዊ  ብድር  በመክፈያዉ  ቀን  ከከፈሉ  በመጀመሪያዉ ቀን  የዋናዉን ዕዳ  1%    የአገልግሎት ክፍያ ይከፍላሉ፡፡
   • ያለብዎትን ሣምንታዊ   ብድር  በመክፈያዉ  ቀን  ከከፈሉ በመጀመሪያዉ ቀን  የዋናዉን ዕዳ 1% የአገልግሎት ክፍያ  የሚከፍሉ ሲሆን የዋናዉን  ዕዳ ቀሪ ክፍያ ዕዳዉን ከፍለዉ እስኪያጠናቅቁ ድረስ  በየዕለቱ ከ 0.35 % እስከ 1.2% ዕለታዊ ክፍያ ይፈፅማሉ፡፡ 
   • ያለብዎትን ወርሀዊ   ብድር  በመክፈያዉ  ቀን  ከከፈሉ በመጀመሪያዉ ቀን  የዋናዉን    ዕዳ  3% የአገልግሎት ክፍያ  የሚከፍሉ ሲሆን የዋናዉን  ዕዳ ቀሪ ክፍያ ዕዳዉን ከፍለዉ እስኪያጠናቅቁ ድረስ  በየዕለቱ ከ 0.3 % እስከ 0.8% ዕለታዊ ክፍያ ይፈፅማሉ፡፡ 
   • ያለብዎትን የሃምሳ  ቀን   ብድር  በመክፈያዉ  ቀን  ከከፈሉ በመጀመሪያዉ ቀን  የዋናዉን ዕዳ 6% የአገልግሎት ክፍያ  የሚከፍሉ ሲሆን የዋናዉን  ዕዳ ቀሪ ክፍያ ዕዳዉን ከፍለዉ እስኪያጠናቅቁ ድረስ  በየዕለቱ ከ 0.5 % እስከ 0.7% ዕለታዊ ክፍያ ይፈፅማሉ፡፡ 
   • ለመላመዳረሻ  የብድር  ክፍያዉ በወሰዱት የብድር ጊዜ ተከፋፍሎ በየወሩ  ይከፈላል ፡፡
   • የመክፈያጊዜዉ 3 ወር ለሆነ የ30%  ለመላ  መዳረሻ  ደመወዝ ብድር 10% የአገልግሎት ክፍያ ይከፍላሉ ::
   • የመክፈያጊዜዉ  9 ወር ለሆነ   የ2   ወር  ለመላ  መዳረሻ  ደመወዝ ብድር 16% የአገልግሎት ክፍያ ይከፍላሉ ::
   • የመክፈያጊዜዉ  12  ወር ለሆነ   የ3   ወር  ለመላ  መዳረሻ  ደመወዝ ብድር  20  % የአገልግሎት  ክፍያ  ይከፍላሉ::
   • የ2 እና 3 ወር ደመወዝ ብድሮዎትን ከክፍያ ቀን በፊት የሚከፍሉ ከሆነ የዋናውን ብድር ቀሪ ክፍያ 3% ብቻ የሚከፍሉ ይሆናል፡፡
   • እንደየ ብድሩ ዐይነት የሚጠበቅብዎትን ክፍያ ሳይፈፅሙ  የመክፈያ ቀን ካለፈ ቀጥሎ በተመለከተዉ ሁኔታ የቅጣት ክፍያ ተፈፃሚ ይደረጋል፤

• ለመላ ወርሀዊ እና መላ የ 50 ቀን በየዕለቱ 0.11%፣
• ለመላ ሣምንታዊ እና መላ መዳረሻ በየዕለቱ 0.50%፣
• ለመላ ዕለታዊ 2%
  • በጉርሻየሚያገኙት ገንዘብ ለክሬዲት ክፍያ አይውልም፡፡

6. ያልተፈፀመ ክፍያ አሰባሰብ
   • የሚጠበቅብዎትን ክሬዲት ክፍያ በሰዓቱ ካልፈፀሙ ኢትዮ ቴሌኮም ወይም ዳሽን  ባንክ የቀረውን የብድር መጠን ከቴሌብር ሂሳብዎ ወይም ከ ሣንዱቅ ቁጠባ አካውንቶ ወዲያውኑ ተቀናሽ ያደርጋሉ፡፡
   • ብድሩ መከፈል ባለበት ጊዜ ሳይከፈል የቀረ እንደሆነ ኢትዮ ቴሌኮም እና/ወይም ዳሽን ባንክ አስፈላጊ ሆኖ ሲገኝ ከባለዕዳዉ ዳሽን ባንክ ወይም ሌሎች ባንኮች ሒሳብ በቀጥታ መቁረጥን ጨምሮ ማናቸዉም አማራጭ ዜዴዎች በመጠቀም ከፍርድ ቤት ዉጭ ባለ አማራጭ ዕዳዉን መሰብሰብ ይችላሉ፡፡
   • ከፍርድቤት ዉጭ ባለ  አማራጭ  ዕዳዉን  ለመሰብሰብ   ያግዝ  ዘንድ ኢትዮ ቴሌኮም እና/ወይም ዳሽን ባንክ የግለሰብ ደንበኛዉን  አድራሻ ማናቸዉም አማራጭ ዘዴዎች በመጠቀም አፈላልገዉ በማግኘት  ዕዳዉን የመሰብሰብ መብት ያላቸዉ መሆኑን ግለሰብ ደንበኛዉ ተስማምቷል፡፡
   • ዕዳዉመከፈል ባለበት ጊዜ ሳይከፍል የቀረ እንደሆነ ኢትዮ ቴሌኮም እና/ወይም  ዳሸን ባንክ  የግለሰብ ደንበኛዉን አድራሻ እና ሌሎች ለእዳው አሰባሰብ አስፈላጊ የሆኑ መረጃዎችን ዕዳዉን በመሰብሰብ ሥራ ላይ ለሚሳተፍ ሦስተኛ ወገን (ድርጅት ወይም ግለሰብ) አሳልፈዉ መስጠት  የሚችሉ  መሆኑን ግለሰብ ደንበኛዉ ተስማምቷል፡፡
   • ከፍርድ ቤት ዉጭ ባለ አማራጭ ዕዳዉ የማይከፈል ከሆነ ኢትዮ ቴሌኮም እና/ወይም ዳሽን ባንክ ጉዳዩን ወደ መደበኛ ፍርድ ቤት በራሳቸዉ ወይም በሌላ የሕግ አገልግሎት ሰጪ ተቋም ወይም በግለሰብ ጠበቃ አማካኝነት የመውሰድና የመክሰስ ሙሉ መብት አላቸው፡፡
   • የተበላሸ ብድር ውስጥ ያለ ደንበኛ አጠቃላይ ዕዳውን ለመክፈል " የተበላሸ ብድርን በተራዘመ የመክፈያ ጌዜ አማራጭን" መጠቀም ይችላል።እንደ ተበላሸው የብድር መጠን ከ0.75%-1% የአገልግሎት ክፍያ ይኖረዋል፡፡
7. ተፈጻሚነትያለው  ሕግ

የኢትዮጵያ ፌዴራላዊ ዲሞክራሲያዊ ሪፐብሊክ ሕጎች፣ የኢትዮጵያ ብሔራዊ ባንክ መመሪያዎች፣    እንዲሁም የዳሽን ባንክና/  ወይም   የኢትዮ ቴሌኮም አግባብነት ያላቸው   አሠራር  ሥርዐቶች  በእነዚህ ደንብ እና ሁኔታዎች ላይ ተፈጻሚ ይሆናሉ፡፡

8. መረጃ ስለመጠየቅ

 ከቴሌብር መላ አገልግሎት፣ ሂደት፣ ደንብ  እና ሁኔታዎች ጋር  ለተያያዘ  ማንኛውም   ጥያቄ    በቴሌብር   የደንበኞች  ግንኙነት  ማእከል (127 በመደወል)፣ አጭር የፅሁፍ መልዕከት ወደ 126 በመላክ   የኢትዮ  ቴሌኮም   ማህበራዊ  ድረ  ገፅ  (https://telehub.ethiotelecom.et/)  በመጎብኘት     ተጨማሪ  መረጃ ማግኘት  ይችላሉ።

9. የውል መቋረጥ

 ማንኛውንም የአነስተኛ ቁጠባ እና ብድር አገልግሎቶችን ያለቅድመ  ማስጠንቀቂያ ወይም ያለማስታወቂያ በእርስዎ  አላግባብ  መጠቀም  ወይም  ማጭበርበር  ምክንያት ሙሉ  በሙሉ  ወይም በከፊል ለማገድ ወይም ለማቋረጥ መብት ይኖረናል። የዚህ ውል መቋረጥ ሙሉ በሙሉ ወይም በከፊል የሁለቱንም ተዋዋይ ወገኖች መብቶችን እና ግዴታዎችን ሊነካ አይችልም።

10. ቅሬታእና የግጭት አፈታት

  ቅሬታዎች በአካል፣ በጽሁፍ፣ በፖስታ፣ በፋክስ፣ በኢሜል ወይም በስልክ ሊቀርቡ ይችላሉ  ኢትዮ ቴሌኮም  ቅሬታዎን በተገቢው ጊዜ ለመፍታት ሁሉንም እርምጃዎች ይወስዳል። በመልሱ  ካልረኩ ጉዳዩን  ወደ ዳሽን  ባንክ እና የኢትዮጵያ ብሔራዊ ባንክ በቅደም ተከተል  መውሰድ ይችላሉ፡፡ቅሬታዉ ለመጀመሪያ ጊዜ ወደ ኢትዮ ቴሌኮም ከቀረበበት ጊዜ ጀምሮ በሚቆጠር ሠለላሳ ተከታታይ ቀናት  ዉስጥ ተዋዋይ ወገኖች  ስምምነት ላይ መድረስ ካልቻሉ  ጉዳዮቻቸውን በኢትዮጵያ ስልጣን ላለው ፍርድ ቤት ብቻ ለማቅረብ ተስማምተዋል።

11. የመያዝ መብት

እኛ ጋር ያለብወትን እዳ ካልከፈሉ በተለይም በጥሬ ገንዘብ፣ዕቃዎች፣ዋስትናዎች፣ውድ ጌጦች፣ቼኮች እና ማንኛውን ተንቀሳቃሽም ሆነ የማይነቀሳቀስ ንብረትዎ ላይ አጠቃላይ የመያዝ መብት  ይኖረናል፡፡እኛ ጋር ያለብወትን እዳ  የማይከፍሉ ከሆነ እና የማቻቻል መብት  ሲፈጠር  በመያዣ መብት ስር የተያዙ ንብረቶችን ላልተከፈለው ብድር  እንደ ዋስትና ተደርጎ መቁጠር ይቻላል፡፡

12. ዕዳ ስለማቻቻል

 የወሰዱትን አነስተኛ  ብድር  መጠን እንዲከፍሉ ካሳወቅን በኋላ በተቀመጠለት ጊዜ ገደብ ውስጥ መመለስ  ካልቻሉ ባንክ ውስጥ ካሉዎት ሌሎች የባንክ ተቀማጭ ጥሬ ገንዘብ፣ ቁጠባ፣ተርም ዲፖዚት፣የጋራ ወይም የተናጠል ከሆኑት ላይ ያለብዎትን ዕዳ መጠን ያህል  ያለምንም ቅድመ ሁኔታ መዉሰድ እንድንችል ተስማምተዋል፡፡

13. ማስተባበል

 የቴሌብር  ሚስጥር  ቁጥር (ፒን)  በሚስጥር  መቀመጥ  አለበት  ከእርስዎ ሌላ ለማንም ተደራሽ መሆን የለበትም። የሚስጥር   ቁጥርዎን  ሌላ  ሶስተኛ  ወገን  እንዲያዉቀዉ በማድረግዎ  ወይም  በየጊዜው    ባለመቀየርዎ፣ ያልተፈቀደ   የቴሌብር   አጠቃቀም በማከናወንዎ፣ የሞባይል ስልክዎ ወይም ሲም  ካርድ  ሲሰረቅብዎ   ወይም ሲጠፋብዎ ለሚመለከተዉ  አካል  ፈጥነዉ ባለማሳቅዎ እና ባለመስዘጋትዎ  የሚደርስብዎ  ኪሳራ /ጉዳት የእርስዎ ኃላፊነት ብቻ ይሆናል፡፡