• በዚህ ደንቦች እና ሁኔታዎች ውስጥ የተዘረዘሩ ቃላት የሚከተለውን ትርጉም ይይዛሉ፡-

  • «አካውንት» ወይም «የቴሌብር አካውንት» ማለት በእርስዎ ስም በትረስት አካውንት ውስጥ ከተቀመጠው ተመጣጣኝ የገንዘብ መጠን ጋር እኩል የሆነና በየጊዜው በእጅዎ ያለውን የኢ-ገንዘብ መጠን ለማሳየት በኢትዮ ቴሌኮም አ.ማ. የሚመዘገብና የሚያዝ አካዉንት ነው።
  • «ወኪል /(Outlet) » ማለት የኢትዮ ቴሌኮም አገልግሎት መስጫዎችን ጨምሮ በብሔራዊ ባንክ መመሪያዎች እና ሌሎች ተዛማጅ ሕጎች መሠረት በኢትዮ ቴሌኮም የተፈቀደ የቴሌብር ምዝገባ፣ የገንዘብ ዝውውር ፣የገንዘብ ማስገባት እና ማውጣት አገልግሎቶችን እንዲሁም የተፈቀዱለትን ሌሎች የቴሌብር አገልግሎቶችን ለመስጠት በኢትዮ ቴሌኮም ዉክልና የተሰጠዉ ህጋዊ ሰው ነው።
  • «ባዮሜትሪክ» (Biometric) ማለት የማንነት ማረጋገጫን ለመስጠት እንደ የጣት አሻራ እና የፊት ገጽታን የመለየት ቴክኖሎጂን የመሳሰሉ የሰውነት ባህሪያትን በመጠቀም የደንበኛን ማንነት የማረጋገጥ ዘዴ ነው።

   

  • «ገንዘብ ማዉጣት» ማለት አንድ ደንበኛ ወደ ወኪል በመቅረብ ከራሱ ቴሌብር አካዉንት የኤሌክትሮኒክስ ገንዘብ ወደ ወኪሉ ቴሌብር በማስተላለፍ በምትኩ ጥሬ ገንዘብ የሚቀበልበት ሂደት ሲሆን፣ ይህም በደንበኛው የቴሌብር አካውንት ውስጥ ያለውን የኢ-ገንዘብ መጠን ይቀንሰዋል።
  • «ደንበኛ» ማለት በቴሌብር በመመዝገብ የኤሌክትሮኒክ የገንዘብ አካውንት ያለው እና የኢትዮ ቴሌኮም የቴሌብር አገልግሎቶችን የሚጠቀም ሰው  ነው።
  • «ዶርማንት አካውንት» ማለት ለተከታታይ 12 ወራት ምንም ዓይነት የፋይናንስ እንቅስቃሴ ያላደረገ የኤሌክትሮኒክስ አካውንት ነው።
  • «ኢ-ገንዘብ» (E-Money) ማለት በኢትዮጵያ ብር ከሚገለጽ ተመጣጣኝ የጥሬ ገንዘብ መጠን ጋር እኩል የሆነ፣ በደንበኛው የቴሌብር አካውንት ውስጥ የሚታይ እና በደንበኛው የሚንቀሳቀስ የኤሌክትሮኒክስ የገንዘብ ዋጋ ነው።
  • «ኢትዮ ቴሌኮም» ማለት የቴሌብር አገልግሎቶችን እንዲያቀርብ ፈቃድ የተሰጠው የሞባይል ገንዘብ አገልግሎት ሰጪ የሆነው የኢትዮ ቴሌኮም አ.ማ. ነው።
  • «ሞግዚት» ማለት እርስዎ የአካል ወይም የአእምሮ ጉዳት (disability) ደርሶብዎት አካውንትዎን ማንቀሳቀስ ባልቻሉበት ጊዜ፣ በቴሌብር አካውንትዎ ውስጥ ያለውን ገንዘብ እንዲያስተዳድር ወይም እንዲጠቀም በሕግ ሥልጣን የተሰጠው ሰው ነው።
  • "ዓለም አቀፍ የገንዘብ ዝውውር" ማለት ኢትዮ ቴሌኮም ከውጭ አገር የገንዘብ ማስተላለፊያ ድርጅቶች ጋር በመተባበር የሚያቀርበው አገልግሎት ነው። ይህም ከውጭ አገር የሚላክን ገንዘብ ከኢትዮ ቴሌኮም የሞባይል ገንዘብ አገልግሎት (ቴሌብር) ጋር በማገናኘት፣ ደንበኞች በቀጥታ በስልካቸው እንዲቀበሉ የሚያስችል የሐዋላ አገልግሎት ነው።
  • “የደንበኛ ማንነት ማረጋገጫ (KYC) ማለት ኢትዮ ቴሌኮም የደነንበኛዉን ማንነት  በትክክል ለመለየትና ለማረጋገጥ የሚጠቀምባቸው ሕጋዊ የጥንቃቄ እርምጃዎች፣ መመሪያዎችና አሰራሮች ነው፡፡
  • የምዝገባ ቅጽ” ማለት በብሔራዊ ባንክ (NBE) ደንበኛን መንነት ማወቅ (KYC) እና ህገ-ወጥ የገንዘብ ዝውውርን መከላከል (AML) መመሪያዎች መሠረት፤ የግዴታ የደንበኛ መታወቂያ፣ ማረጋገጫ እና የሂሳብ ማነቃቂያ መረጃዎችን ለመሰብሰብ የሚያገለግል መደበኛ ቅጽ (በቴሌብር ሱፐር አፕ ወይም በUSSD አማካኝነት በኤሌክትሮኒክስ መንገድ፣ ወይም በሕጋዊ የኢትዮ ቴሌኮም ማዕከላት ወይም በወኪሎች አማካኝነት በአካል የሚሞላ) ነው።
  • የደህንነት ጥያቄ (Security Question) ማለት ደንበኛው ራሱ የሚመርጠው ጥያቄና መልስ ሲሆን፤ ይህም የቴሌብር አካውንትን ለመክፈት፣ አካውንቱን ለመጀመሪያ ጊዜ ለመጠቀም፣ ሚስጥራዊ ቁጥርን (PIN) ለመቀየር ወይም የጠፋን ሚስጥራዊ ቁጥር መልሶ ለማግኘት እንደ ተጨማሪ የማንነት ማረጋገጫ ዘዴ የሚያገለግል ነው፡፡
  • "ነጋዴ" ማለት በሕግ የተመዘገበና ፈቃድ የተሰጠው የንግድ ተቋም ሲሆን ከኢትዮ ቴሌኮም ጋር ውል በመግባት፣ ለሚሸጣቸው ዕቃዎች ወይም ለሚሰጣቸው አገልግሎቶች በቴሌብር በኩል ክፍያ የሚቀበል ድርጅት ነዉ ፡፡
  • "የኢትዮጵያ ብሔራዊ ባንክ (NBE)" ማለት በአዋጅ ቁጥር 718/2011 (በአዋጅ ቁጥር 1282/2023 በተሻሻለው መሠረት) የሞባይል ገንዘብ አገልግሎትን የመፈቀድ (ፈቃድ የመስጠት) እና የመቆጣጠር ሥልጣን ያለው ተቆጣጣሪ አካል ነው።
  • "የአንድ ጊዜ የይለፍ ቃል (OTP) " ማለት ማንነትን ለማረጋገጥ፣ አካውንትን ትክክለኛነት ለማረጋገጥ ወይም ለግብይት ፈቃድ ለመስጠት እንዲያገለግል፤ ከኢትዮ ቴሌኮም ለደንበኛው የሚላክ፣ የተወሰነ የጊዜ ቆይታ ያለውና ለአንድ ጊዜ ብቻ የሚያገለግል ሚስጥራዊ ቁጥር ነው።
  • "የግል መረጃ" ማለት አንድን ሰው ማንነቱን ለይቶ ለማወቅ የሚያስችል መረጃ ሲሆን፤ ይህም እንደ ስም፣ አድራሻ፣ ስልክ ቁጥር፣ የመታወቂያ ቁጥር እና ሌሎች ተያያዥ የግል መረጃዎችን የሚያጠቃልል (ነገር ግን በእነዚህ ብቻ የማይገደብ) ነው።
  • ሚስጥራዊ ቁጥር (PIN) ማለት አንድ ደንበኛ የቴሌብር አካውንቱን በጥንቃቄ ለመጠቀም፣ ማንነቱን ለማረጋገጥ እና ለሚያደርጋቸው ግብይቶች ደህንነቱ በተጠበቀ ሁኔታ ፈቃድ ለመስጠት እንዲችል፤ ራሱ የሚፈጥረው ወይም የተሰጠው በሚስጥር የሚጠበቅ የግል መለያ ቁጥር ማለት ነው።
  • “መሸጫ ሱቅ” ማለት በወኪል የሚተዳደር ማንኛውም ሱቅ፣ ክፍል ወይም ሌላ የችርቻሮ ቦታ ወይም ክፍል ነው፡፡
  • “ምርቶችና አገልግሎቶች” ማለት በዚህ ደንብና ሁኔታ መሠረት ወይም በሌላ መንገድ ከጊዜ ወደ ጊዜ ለእርስዎ የሚቀርቡ ማናቸውም ምርቶችና አገልግሎቶች ነው፡፡
  • “አጭር የጽሑፍ መልዕክት አገልግሎት” ማለት ግቢይት የተሳካ ወይም ያልተሳካ መሆኑን ጨምሮ ሌሎች ከቴሌብር ጋር የተያያዙ ፈጣን መልዕክቶች ከኢትዮ ቴሌኮም ወደ ደንበኛዉ የሚደርስበት የፅሑፍ መልዕክት አገልግሎት ነዉ ፡፡
  • "ወራሽ" (Successor) ማለት አንድ የቴሌብር ደንበኛ ህይወቱ በሚያልፍበት ጊዜ፣ በቴሌብር አካውንቱ ውስጥ ያለውን ቀሪ ገንዘብ እንዲያገኝ ወይም እንዲረከብ በኢትዮጵያ ሕግ መሠረት ፈቃድ የተሰጠው ሰው ማለት ነው።
  • “የቴሌብር አገልግሎቶች” ወይም “ቴሌብር” ማለት በኢትዮ ቴሌኮም አ.ማ. የሚቀርብ የሞባይል ገንዘብ አገልግሎት ሲሆን፤ ይህም የኢ-ገንዘብ (E-Money) እና የጥሬ ገንዘብ አስተዳደርን እንዲሁም የመመንዘር (ማውጣት) ተግባራትን ጨምሮ፣ የቴሌብር ደንበኞች በኤሌክትሮኒክስ ዘዴ ገንዘብ እንዲያስቀምጡ፣ እንዲቀበሉ፣ ክፍያ እንዲፈጽሙ፣ እንዲልኩ እና የፋይናንስ አገልግሎቶችን እንዲያገኙ የሚያስችል ነው።
  • የቴሌብር ሥስተም / ፖርታል /"የቴሌብር ሥርዓት" ማለት የቴሌብር አገልግሎቶችን ለመስጠት በኢትዮ ቴሌኮም አክሲዮን ማኅበር የሚተዳደር ሥርዓት ሲሆን፤ ይህም የአካውንት አስተዳደርን፣ የግብይት ሂደቶችን እና ሌሎች ተያያዥ የአሠራር ተግባራትን በሙሉ የሚያከናውን የቴክኖሎጂ መዋቅር ነው።
  • "ግብይት" (Transaction) ማለት በቴሌብር አገልግሎት አማካኝነት የዲጂታል ገንዘብ (E-Money) ወደ ቴሌብር አካውንት ሲገባ ወይም ከአካውንት ሲወጣ የሚደረግ ማናቸውም የገንዘብ ማስተላለፍ፣ ክፍያ፣ ገንዘብ ማውጣት፣ ገንዘብ ማስገባት (ዴፖዚት)፣ ግዢ ወይም ሌላ ማንኛውም የገንዘብ እንቅስቃሴ ነው።
  • "አደራ አካውንት" (Trust Account) ማለት በቴሌብር አገልግሎት አማካኝነት ለሚሰራጨው ዲጂታል ገንዘብ (E-Money) እኩል መጠን ያለውን ጥሬ ገንዘብ ለይቶ ለማስቀመጥ እንዲቻል፤ በኢትዮ ቴሌኮም ስም ፈቃድ ባለው ባንክ ውስጥ የሚከፈት የዝግ አካውንት ነው።
  • "እኛ" ፣ "የእኛ" ማለት የኢትዮ ቴሌኮም አክሲዮን ማኅበር ነው።

  "አንተ/አንቺ/እርስዎ"  ማለት የቴሌብር አገልግሎትን ለመጠቀም ተመዝግቦ ስምምነቱን የተቀበለ የቴሌብር ደንበኛ ነው።

  ‹‹ጥሬ ገንዘብ» ማለት የኢትዮጵያ ሕጋዊ መገበያያ ገንዘብ ነው።«ገንዘብ ማሰገባት» ማለት አንድ ደንበኛ ወደ ወኪል በመቅረብ ጥሬ ገንዘብ በመስጠት በምትኩ የኤሌክትሮኒክስ ገንዘብ ወደ ቴሌብር አካውንቱ  ገቢ የሚደረግበት ሂደት  ነው።

• ቴሌብር በተመዘገቡበት የሞባይል ስልክዎ ገንዘብ ለመላክ እና ለመቀበል የሚያስችል የሞባይል ገንዘብ አገልግሎት ነው።
• ቴሌብር ለአገልግሎቱ ለተመዘገቡ ሁሉም የኢትዮ ቴሌኮም ደንበኞች ክፍት ነዉ ፡፡
• ለቴሌብር አካውንት በማንኛውም የቴሌብር ወኪል (Agent)፣ በቴሌብር ሱፐር አፕ (telebirr Super App) ላይ እራስዎ በመመዝገብ ወይም በማንኛውም የኢትዮ ቴሌኮም የሽያጭ ማእከል የቴሌብር የምዝገባ ፎርም በመሙላት እና የደንበኛ ማረጋገጫ (KYC) መስፈርቶችን በማሟላት መመዝገብ ይችላሉ።
• ኢትዮ ቴሌኮም በራሱ ሙሉ ስልጣንና ውሳኔ፣ በአንድ ጊዜ ሊጠቀሙበት የሚችሉትን የሂሳብ (አካውንት) ብዛት ሊገድብ ይችላል።
• ኢትዮ ቴሌኮም በሚያደርገው ግምገማ፣ በቂ ምክንያት ካገኘ ማንኛውንም ሰው በቴሌብር ምዝገባ ሥርዓት (System) ሊሰርዝ (ሊያግድ) ይችላል።
• በማንኛውም የቴሌብር ወኪል (Agent) ጥሬ ገንዘብ (Cash) በማስቀመጥ፣ ከሌላ የቴሌብር ተጠቃሚ የኢ-ገንዘብ (E-Money) ዝውውር በመቀበል፣ እንዲሁም እንደ ሁኔታው በአጋር የሃዋላ አገልግሎት ሰጪዎች አማካኝነት ከውጭ አገር በሚላክ ዓለም አቀፍ የሃዋላ ዝውውር ወይም ኢትዮ ቴሌኮም በሚያቀርባቸው ሌሎች ተቀባይነት ባላቸው መንገዶች የኢ-ገንዘብ (E-Money) በቴሌብር አካውንትዎ ላይ ማግኘት ይችላሉ።
• ማንኛቸውም ግብይት የሚከናወነዉ በኢትዮጵያ ብር ብቻ ነው።
• በተቀመጡት የግብይት ገደቦች እና በዚህ የውል ስምምነት ድንጋጌዎች መሠረት፣ የቴሌብር አካውንትዎ ቀሪ ሂሳብ በማንኛውም ጊዜ ወደ ጥሬ ገንዘብ ሊቀየር (ሊወጣ) የሚችል ሲሆን፣ በቴሌብር ስሰተም በኩል በሚሰጡት መመሪያ መሠረት ብቻ ጥቅም ላይ ሊዉል (ሊንቀሳቀስ ) ይችላል።
• ይህን ዉል የተዋዋሉት ኢትዮ ቴሌኮም ባንክ ወይም ተቀማጭ ገንዘብ የሚቀበል ( የሚሰበስብ) የፋይናንስ ተቋም አለመሆኑን በማረጋገጥ ነዉ ፡፡
• በወኪል (Agent) መደብሮች በሚገኘዉ የአገልግሎት ክፍያ ዝርዘር ወይም በኢትዮ ቴሌኮም ይፋዊ ድረ-ገፅ ethiotelecom.et ላይ የተቀመጡ  የቴሌብር አገልግሎት ክፍያዎች ከጊዜ ወደ ጊዜ ክፍያዎች በማንኛውም ጊዜ በኢትዮ ቴሌኮም ሊቀየሩ ይችላሉ፡፡

በስምዎ የቴሌብር አካውንት ከመክፈትዎ እና ከመጠቀምዎ  በፊት የሚከተሉት መስፈርቶች መሟላት አለባቸው፦

• ውል ከመዋዋል የሚያግድዎ የሕግ ክልከላ የሌለብዎ እና ዕድሜዎ ቢያንስ 18 ዓመት መሆን አለበት።
• የቴሌብር አገልግሎቶችን ማግኘት የሚችሉበት የኢትዮ ቴሌኮም አገልግሎት የሚሰጥ ሲም (SIM) ካርድ ሊኖርዎት ይገባል።
• የቴሌብር አገልግሎት የሚሰጥበትን የሲም (SIM) ካርድ በመጠቀምዎ፣ የቴሌብር አካውንትዎን ለማንቃትና ለመጠቀም እንዲቻል፣ ኢትዮ ቴሌኮም በኔትወርኩ ላይ የሚገኘውን የእርስዎን የግል መረጃ (Personal data) ጥቅም ላይ እንዲያውል በዚህ ስምምነት ፈቃድዎን ሰጥተዋል።
• የምዝገባ ፎርሙን በትክክል በመሙላት እና በእርስዎ የተፈረመበትን ፎርም ማቅረብ አለብዎት። ለማንኛውም ጥርጣሬ ማስወገጃ ይሆን ዘንድ፣ የተሞላው የምዝገባ ፎርም በመታወቂያዎ ላይ በተገለጸዉ መሰረት የእርስዎን ስም እና ሌሎች አስፈላጊ መረጃዎችን መያዝ አለበት። የምዝገባ ፎርሙ በኤሌክትሮኒክ መንገድ ሊሞላ እና ተቀባይነት ሊያገኝ ይችላል።
• በሚመለከታቸው ህጎች ተቀባይነት ያለው በቂ የማንነት ማረጋገጫ (መታወቂያ) ማቅረብ አለብዎት። ያቀረቡት መታወቂያ ቅጂዎች ምዝገባዎን በሚያመቻቸው ወኪል ሊያዙ (ሊቀመጡ) ይችላሉ።
• ማንኛውንም ሀሰተኛ፣ ትክክል ያልሆነ፣ ያልተሟላ ወይም አሳሳች መረጃ ማቅረብ የለብዎትም።
• ከዚህ በላይ የተጠቀሰው አጠቃላይ ድንጋጌ ቢኖርም፣ የወላጅነት ስልጣን ያላቸው አካላት ለአካለ መጠን ላልደረሰ ልጅ በስማቸው የቴሌብር (telebirr) አካውንት መክፈትና ማስተዳደር ይችላሉ። ለዚህ ውል ዓላማ ሲባል፣ የወላጅነት ስልጣን ያለው አካል ማለት የአካለ መጠን ያልደረሰው ልጅ የወለዱ ወላጆች፣ ህጋዊ አሳዳጊ (ሞግዚት) ወይም በልጁ ጉዳዮች ላይ ህጋዊ ስልጣን እንዳለው ማረጋገጥ የሚችል ማንኛውንም ሌላ ሰው ያጠቃልላል።
• የምዝገባ ዝርዝሮችዎ ሁልጊዜ ወቅታዊ( Apt dated ) መሆናቸውን የማረጋገጥ ኃላፊነት የእርስዎ ነው።
• ማንኛቸውም የአካውንት መክፈቻ መስፈርቶች ካልተሟሉ ወይም አጥጋቢ የማንነት ማረጋገጫ (መታወቂያ) ካላቀረቡ፣ ኢትዮ ቴሌኮም በራሱ ውሳኔ ማመልከቻዎን ውድቅ ሊያደርገው ይችላል።
• ኢትዮ ቴሌኮም በማንኛውም ጊዜ ስለ አካውንትዎ ተጨማሪ መረጃ የመጠየቅ መብቱ የተጠበቀ ነው፤ ይህንን መረጃ አለማቅረብ የቴሌብር አገልግሎት አጠቃቀም ገደብ፣ የአካውንት መታገድ ወይም የአካውንት ሙሉ በሙሉ መሰረዝን ሊያስከትል ይችላል።
• በምዝገባ ወቅት በሚያቀርቡት መረጃ መሰረት፣ ከጊዜ ወደ ጊዜ በኢትዮጵያ ብሔራዊ ባንክ እንደተገለጸው የዕለት ተዕለት አጠቃላይ የግብይት ገደብ ያለው የደረጃ 1 አካውንት ወይም የደረጃ 2 አካውንት እንዲኖርዎት መምረጥ ይችላሉ።
  • ደረጃ 1 አካውንት (Level 1 Account)፦ ማለት በቀላል ምዝገባ የሚታወቅና አነስተኛውን የደንበኛ ማንነት ማረጋገጫ መስፈርቶች ላሟሉ ደንበኞች የሚሰጥ የመጀመርያ ደረጃ የቴሌብር የሞባይል ዲጂታል ሂሳብ ምደባ ማለት ሲሆን፣ ምዝገባውም የሚከተሉትን መረጃዎች ያካትታል፦
• ሙሉ ስም፣ አመልካች የተወለደበት ቀን፣ የመኖሪያ አድራሻ፣ ክልል፣ ዞን/ክፍለ-ከተማ፣ ወረዳ፣ የቤት ቁጥር፣ የተመዘገበው የስልክ ቁጥር፣ በቀጥታ የተነሳ የደንበኛው ፎቶ፣ ጾታ
  • የደረጃ 2 አካውንት (Level 2 Account) ማለት የላቀ የደንበኛ ማንነት ማረጋገጫ (KYC) መስፈርቶችን ላሟሉ ደንበኞች የሚሰጥ፣ የሞባይል አካዉንት ምድብ ሲሆን፤ ከፍተኛ የግብይት አቅም ባላቸው መገለጫዎች የሚታወቅ ምዝገባውም የሚከተሉትን መረጃዎች ያካትታል፦ 
• የስልክ ቁጥር፣ የአመልካች ሙሉ ስም፣ ጾታ፣ አመልካች የተወለደበት ቀን፣ የመኖሪያ አድራሻ (ክልል፣ ዞን/ክፍለ-ከተማ፣ ወረዳ፣ የቤት ቁጥር)፣ በቀጥታ የተነሳ የደንበኛው ፎቶ፣ የተነሳ የደንበኛው ህጋዊ መታወቂያ፣ ዜግነት

• ከዚህ በላይ በንዑስ አንቀጽ 3.11 የተደነገገው ቢኖርም፣ ኢትዮ ቴሌኮም ከኢትዮጵያ ብሔራዊ ባንክ ልዩ ፈቃድ በማግኘት ከፍተኛ የግብይት ገደቦችን የመመደብ መብቱ የተጠበቀ ነው።
• ተመሳሳይ ደረጃ ያላቸው ከአንድ በላይ አካውንቶች ካሉዎት፣ የሁሉም አካውንቶች አጠቃላይ ቀሪ ሂሳብ (balance) አካውንቶቹ የሚገኝበትን የደረጃ ገደብ ማለፍ የለበትም።

የተለያዩ ደረጃዎች (Levels) ያሏቸው ከአንድ በላይ የኤሌክትሮኒክ አካውንቶች ካሉዎት፣ የከፍተኛው ደረጃ ገደብ ተፈጻሚ ይሆናል።

• ኢትዮ ቴሌኮም በአገልግሎት ተጠቃሚዎች የሚቀርቡ ማናቸውንም መረጃዎች ምስጢራዊነትና ደህንነት የመጠበቅን አስፈላጊነት ይገነዘባል፤ የእርስዎን የግል መረጃ ፈቃድ ለሌላቸው ወገኖች አያጋራም፤ እንዲሁም በሚመለከታቸው የግል መረጃ ጥበቃ ሕጎች መሠረት በቂ የደህንነት ጥበቃ እርምጃዎችን ይወስዳል።
• ኢትዮ ቴሌኮም የቴሌብር ተጠቃሚዎችን መገለጫ ለማዘጋጀት፣ የግለሰብ የቴሌብር አካውንቶችን ለማስተዳደር፣ የቴሌብር መረጃ ቋቶችን ለማዘመን እና ለተጠቃሚዎች ድጋፍ ለመስጠት የሚያገለግሉ ማንነትን በግልጽ ለይተው የሚያሳውቁ መረጃዎችን ያሰበስባል።
• የቴሌብር (telebirr) አገልግሎቶችን በመጠቀምዎ፣ የተወሰኑት የግል መረጃዎችዎ ለሌሎች አካላት የሚተላለፉ መሆኑን ተስማምተዋል፦
  • የኢ-ገንዘብ (E-Money) ለሚልኩለት ወይም ከእሱ የኢ-ገንዘብ ለሚቀበሉበት ለማንኛውም ሰው፣ እንዲሁም ከአገልግሎቱ አሠራር ጋር ቀጥተኛ ቁርኝት ላላቸውና እንደ አስፈላጊነቱ ለሚሳተፉ ማናቸውም ሦስተኛ ወገኖች፤ ይህም ያለምንም ገደብ የቴሌብር ወኪሎችን (Agents)፣ የኤቲኤም ስዊች አቅራቢዎችን እና የቴክኖሎጂ አቅራቢዎቻችንን ያጠቃልላል፤
  • በቴሌብር የግብይት ሂደት ውስጥ በማንኛውም ደረጃ ላይ፣ የቴሌብር አገልግሎቶችን ለመጠቀም ለሚፈልጉ ሌሎች ተጠቃሚዎች ፣
  • የእርስዎን የግብይት መረጃዎችን፣ ስለ እርስዎ ወይም ስለ ቴሌብር አካውንትዎ ያሉ ዝርዝሮችን፣ እና የኢትዮ ቴሌኮም ምርቶችና አገልግሎቶች አጠቃቀምዎን ጨምሮ የእርስዎን የግል መረጃ በተናጠል ውል ለተዋዋሏቸው ና ለኢትዮ ቴሌኮም በጽሑፍ ወይም በኤሌክትሮኒክ ዘዴ ላሳወቁአቸው ለተወሰኑ ተጠቃሚዎች ወይም ሶስተኛ ወገኖች እንዲያጋራ ለኢትዮ ቴሌኮም በዚህ ስምምነት ፈቃድ ሰጥተዋል።
  • ይህ መረጃን ማጋራት ለህግ አስከባሪ፣ ለምርመራ ወይም ለቁጥጥር (ሬጉላቶሪ) ባለስልጣናት የሚደረጉ መግለጫዎችን አይጨምርም፤ እንዲሁም ለሶስተኛ ወገን መረጃ እንዲገለጽ የሰጡትን ፈቃድ በማንኛውም ጊዜ ማንሳት (መሰረዝ) ይችላሉ።
• ኢትዮ ቴሌኮም የቁጥጥር (ሬጉላቶሪ) መስፈርቶችን ለማሟላት ሲል፣ በሕዝብ ዘንድ በነጻ በሚገኙ እና/ወይም በተገደቡ የመንግሥት የመረጃ ቋቶች አማካኝነት የእርስዎን የማንነት መረጃ ሊያረጋግጥ እንዲችል ተስማምተዋል
• የኢትዮ ቴሌኮም የአካውንት አጠቃቀምዎን የመከታተል መብት እንዳለው እና በህግወጥ መንገድ የተገኘ ገንዘብ ሒጋዊ አሰመስሎ ማቅረብ፣ ማጭበርበርን ወይም ሌሎች የወንጀል ድርጊቶችን ለመከላከል፣ ለመለየት ወይም ክስ ለመመስረት እንዲያግዝ የግል መረጃዎን (Personal Information) ለአገር ውስጥ ህግ አስከባሪ፣ ለምርመራ አካላት ወይም  በጉዳዩ ላይ ሥልጣን ላለዉ የመንግስት አካላት አሳልፎ ሊሰጥ የሚችል መሆኑን ተስማምተዋል ፡፡
• የግል መረጃዎችን (Personal Information) የሚይዙ ወይም የሚሰሩ የኢትዮ ቴሌኮም ሰራተኞች መረጃውን በምስጢር የመጠበቅ ግዴታ ያለባቸው ሲሆን፣ ፈቃድ ለሌላቸው ሶስተኛ ወገኖች አሳልፈው መስጠት አይችሉም። በተጨማሪም የኢትዮ ቴሌኮም ሰራተኞች ለመረጃው ውስጣዊ ደህንነት ተጠያቂዎች ናቸው።
• በቴሌብር በኩል ለኢትዮ ቴሌኮም ማንኛውንም መረጃ ያቀረበ ማንኛውም ሰው፣ ያቀረበውን መረጃ መልሶ የማግኘት ወይም የመመልከት (access rights) መብት ሊሰጠው ይችላል።

• የቴሌብር ሂሳብዎ ተከፍቶ እና አገልግሎት መስጠት ከጀመረ በኋላ፣ የሚከተሉትን ግብይቶች መጀመር (ማከናወን) ይችላሉ፦
  • በይፋ በተመዘገቡ የቴሌብር ወኪሎች (Agents) በኩል የኤሌክትሮኒክ ገንዘብ (E-Money) ወደ ሂሳብዎ ማስገባት፤
  • ለሌሎች የቴሌብር ተጠቃሚዎች ኢ-ገንዘብ (E-Money) መላክ እና ከእነሱ መቀበል፤
  • በኤቲኤም (ATM) አውታረ መረቦች አማካኝነት ከቴሌብር አካውንትዎ ላይ ጥሬ ገንዘብ ማውጣት፤
  • የኢትዮ ቴሌኮም የአየር ሰዓት ወይም ፓኬጅ መግዛት፤
  • የመገልገያ ክፍያዎችን (utility bills) መክፈል፣ ወይም የአንድ ጊዜ ወይም ወቅታዊ ክፍያዎችን መፈጸም፣ እንዲሁም ለአገልግሎት አቅራቢዎች፣ ለጅምላ ክፍያ (bulk payments)፣ ለፋይናንስ ተቋማት፣ ለረድኤት ድርጅቶች እና መሰል አካላት ክፍያዎችን መፈጸም፤
  • ከነጋዴዎች (Merchants) ለተገዙ ዕቃዎች ክፍያ መፈጸም
  • ሂሳብዎን ማስተዳደር (ለምሳሌ፦ ቀሪ ሂሳብን መመርመር፣ የምስጢር ቁጥር (PIN) መቀየር እና የአካውንት ቅንብሮችን ማስተዳደር ወዘተ)፤ እና
  • በኢትዮጵያ ብሔራዊ ባንክ የተፈቀዱ እና በኢትዮ ቴሌኮም ሊተዋወቁ የሚችሉ ማናቸውንም ሌሎች ግብይቶች።
• ኢትዮ ቴሌኮም ሁሉም የአገልግሎት ተግባራት (functionalities) በማንኛውም ጊዜ ዝግጁ ወይም የሚሰሩ ስለመሆናቸው ዋስትና አይሰጥም፤ እንዲሁም በአዲስ ወይም በተሻሻሉ ህጎች፣ ደንቦች፣ የመንግስት መመሪያዎች ወይም ፖሊሲዎች፣ ወይም በማናቸውም ሌላ አስገዳጅ ምክንያት የተነሳ ማንኛውንም የአገልግሎት ተግባር ወይም አጠቃላይ የቴሌብር አገልግሎትን ሊያቋርጥ ይችላል።
• ኢትዮ ቴሌኮም የተወሰኑ አገልግሎቶችን ከሚሰጡዎት ሌሎች የፋይናንስ ተቋማት የቴክኖሎጂ መድረኮች (platforms) ጋር ትስስር በመፍጠር፣ በቴሌብር ማውጫ (menu) ላይ ተጨማሪ የአገልግሎት ተግባራትን ሊያቀርብ ይችላል። ወደ ሌሎች መድረኮች ለመግባት እነዚህን የአገልግሎት ተግባራት በመጠቀምዎ፣ በእነዚህ መድረኮች አጠቃቀም ምክንያት ለሚመጡ ማናቸውም ኪሳራዎች ኢትዮ ቴሌኮምን ከተጠያቂነት ነፃ ለማድረግ እና ለመካስ ተስማምተዋል።
• በንግድ እቅዳችን ላይ ክለሳ ሲደረግ፣ በቴክኒካዊ፣ በህዝብ ጥቅም ወይም በስራ ማስኬጃ ምክንያቶች፣ በዘርፉ ውስጥ በሚኖሩ ለውጦች፣ ከቁጥጥር (ሬጉላቶሪ) አካላት በሚመጡ የውሳኔ ሃሳቦች ወይም መሰል ክስተቶች ምክንያት፣ ኢትዮ ቴሌኮም እነዚህን የውል ስምምነቶች (Terms and Conditions) ወይም የአጠቃቀም ፖሊሲዎችን ሊለውጥ ይችላል፤ እነዚህንም ለውጦች በተገቢው መንገድ ያሳውቅዎታል። የቴሌብር አገልግሎትን መጠቀሙን መቀጠልዎ እነዚህን የተሻሻሉ የውል ስምምነቶች ወይም ፖሊሲዎች በሙሉ እንደተቀበሉ ይቆጠራል።

• የቴሌብር አገልግሎቶች አጠቃቀም በምስጢር ቁጥርዎ (PIN) የተጠበቀ ነው። የምስጢር ቁጥርዎን (PIN) ለመጠበቅ እና የቴሌብር ወኪሎችን፣ የኢትዮ ቴሌኮም ሰራተኞችን ወይም ለመጠየቅ ስልጣን አለኝ የሚል ማንኛውንም ሰው ጨምሮ ለማንኛውም ሶስተኛ ወገን አሳልፈው ላለመስጠት በዚህ ደንብና ሁኔታ ተስማምተዋል። የእርስዎ የምስጢር ቁጥር (PIN) ለሌላ ወገን ይፋ በማድረግዎ ምክንያት ለሚደርስብዎት ማንኛዉም ዓይነት ጉዳተት ኢትዮ ቴሌኮም ኃላፊነት የለበትም ፡፡
• የምስጢር ቁጥርዎን (PIN)፣ የይለፍ ቃልዎን (password)፣ የአንድ ጊዜ ማረጋገጫ ቁጥርዎን (OTP) እና የደህንነት ጥያቄዎን (Security Question) ምስጢራዊነትና ደህንነት ጠብቆ ለማቆየት ብቸኛው እና ሙሉ ኃላፊነቱ የእርስዎ መሆኑን ያምናሉ (ይቀበላሉ)።
• ከእርስዎ የቴሌብር አካውንት ጋር በተያያዘ ለኢትዮ ቴሌኮም ለሚሰጡ ማናቸውም ትዕዛዞች ኃላፊነቱ የእርስዎ ነው።
• ኢትዮ ቴሌኮም እያንዳንዱን ትክክለኛ የምስጢር ቁጥር (PIN) ማስገባትን የቴሌብር አካውንቱ ህጋዊ ባለቤት እንደፈጸመው አድርጎ የሚቆጥር ሲሆን፣ ከዚያ በኋላ የሚከናወኑ ማናቸውንም ግብይቶች በእርስዎ በአግባቡ እንደተከናወኑ አድርጎ ይወስዳቸዋል፡፡
• ኢትዮ ቴሌኮም ወደ መተግበሪያው ከመግባትዎ በፊት ደህንነትን ለማረጋገጥ የአንድ ጊዜ የይለፍ ቃል (OTP)፣ የጣት አሻራ፣ የፊት ምስል ወይም ሌሎች የማንነት ማረጋገጫዎችን ሊጠይቅ ይችላል።
• በመተግበሪያው ላይ ከሶስተኛ ወገኖች ወይም ከነጋዴዎች ጋር ለሚያደርጉት ማንኛውም የክፍያ፣ የውል ወይም የንግድ ግንኙነት እና ለሚመጣው ስጋት (ኪሳራ/ጉዳት) ኢትዮ ቴሌኮም ተጠያቂ አይሆንም።
• በመተግበሪያው ላይ ከሶስተኛ ወገኖች ወይም ከነጋዴዎች ጋር ለሚያደርጉት ማንኛውም የክፍያ፣ የውል ወይም የንግድ ግንኙነት እና ለሚመጣው ስጋት (ኪሳራ/ጉዳት) ኢትዮ ቴሌኮም ተጠያቂ አይሆንም።

• ገንዘብ ሲልኩ፣ ዕቃዎች እና አገልግሎቶችን ሲገዙ (Buy Goods and Services) ወይም ከቴሌብር አካውንትዎ ላይ የገንዘብ ሲያስተላልፉ ወይም ሌሎች ማናቸውንም የአገልግሎት ተግባራት በሚያከናዉኑበት ጊዜ፣ በኢትዮ ቴሌኮም የተቀመጡት የግብይት ገደቦች እና የአገልግሎት ክፍያዎች ተፈጻሚ ይሆናሉ።
• የግብይት ጥያቄዎ ተፈጻሚ የማይሆንባቸዉ ሁኔታዎች ፤
  • በቴሌብር አካውንትዎ ውስጥ ለማስተላለፍ የፈለጉት የገንዘብ መጠን ወይም የአገልግሎት ክፍያውን ለመሸፈን የሚያስችል በቂ ገንዘብ ከሌለዎት፤
  • በኢትዮ ቴሌኮም እና በህግ የተቀመጠው ከፍተኛው የአካውንት ቀሪ ሂሳብ ገደብ (maximum Account balance limit) ላይ የደረሱ ከሆነ፣
  • በኢትዮ ቴሌኮም እና በህግ የተቀመጠው ዕለታዊ የግብይት ገደብ (daily transaction limit) ላይ የደረሱ ከሆነ፤
  • አካውንትዎ አግባብነት ባላቸው ምክንያቶች በጊዜያዊነት የታገደ ወይም በቋሚነት የተዘጋ (frozen) ከሆነ፤
  • እንደ ጊዜያዊ የሲስተም መቋረጥ፣ ጥገና፣ መዘግየት ወይም የአገልግሎት መቋረጥ ያሉ ሌሎች አስገዳጅ ምክንያቶች ሲያጋጥሙ
  • በተሰጠዎት የጊዜ ገደብ ውስጥ የግብይት ጥያቄውን ከሰረዙ እና ለዚሁ ዓላማ የተዘጋጀውን የአገልግሎት ተግባር ከፈፀሙ።
• በስልክዎ የቴሌብር ማውጫ (menu) ላይ ያሉትን መመሪያዎች በመከተል፣ በቴሌብር ሥርዓት ውስጥ ላለ ለማንኛውም ተጠቃሚ እንዲሁም በኢትዮጵያ ውስጥ በማንኛውም የኔትወርክ መስመር ላይ ለሚገኝ ለማንኛውም የሞባይል ስልክ ተጠቃሚ ኢ-ገንዘብ (E-Money) መላክ ይችላሉ።
• ለሚያከናውኑት ለማንኛውም ግብይት የአገልግሎት ክፍያ ይጠየቃሉ። የአገልግሎት ክፍያው በኢትዮ ቴሌኮም ድረ-ገጽ እና/ወይም በሌሎች የመገናኛ ዘዴዎች በሚታተሙት ተፈጻሚነት ያላቸው ታሪፎችና ክፍያዎች መሠረት ይሆናል።
• ለሌላ የቴሌብር ተጠቃሚ የላኩት የግብይት ሂደት በተሳካ ሁኔታ ሲጠናቀቅ፣ ኢትዮ ቴሌኮም ወዲያውኑ ኢ-ገንዘቡ ወደ ሌላው ተጠቃሚ የቴሌብር አካውንት እንዲዛወር ያደርጋል። ግብይቱ ስለመጠናቀቁ ለእርስዎም ሆነ ለተቀባዩ የፅሁፍ መልዕክት (SMS) ማሳወቂያ ይደርሳችኋል።
• ኢትዮ ቴሌኮም ግብይቱን ማጠናቀቅ ካልቻለ፣ ግብይቱ ያልተጠናቀቀበትን ምክንያቶች በተመለከተ የፅሁፍ መልዕክት (SMS) ማሳወቂያ ይደርስዎታል።
• ለሚያከናውኑት እያንዳንዱ ግብይት ልዩ የሆነ የደረሰኝ ቁጥር (unique receipt number) የሚሰጥዎት ሲሆን፣ ይህ ቁጥር ለእርስዎ በሚላከው የግብይት ማረጋገጫ የፅሁፍ መልዕክት (SMS) ላይ የሚካተት እና ወቅታዊውን የአካውንትዎን ቀሪ ሂሳብ የሚያሳይ ይሆናል።
• ተቀባዩ በቴሌብር ሥርዓት ውስጥ ያልተመዘገበ ከሆነ፣ ይህ ያልተመዘገበ ተጠቃሚ በኢትዮጵያ ብሔራዊ ባንክ (NBE) የተቀመጡትን መስፈርቶች ለማሟላት ሲባል በቀን እስከ 5,000 (አምስት ሺህ) ብር ብቻ የተዛወረለትን ገንዘብ መቀበል እና ማውጣት (cash out) ይችላል።
• ተቀባዩ የቴሌብር አካውንት ከሌለው፣ የተላከለትን የገንዘብ መጠን ማውጣት እንዲችል ኢትዮ ቴሌኮም የአንድ ጊዜ የይለፍ ቃል (OTP) የያዘ የፅሁፍ መልዕክት (SMS) ለተቀባዩ ይላክለታል።
• ያልተመዘገበ ተቀባይ ግብይቱ ከተፈጸመበት ቀን ጀምሮ ባሉት 180 ተከታታይ ቀናት ውስጥ (ወይም በኢትዮ ቴሌኮም ሊወሰን በሚችል ከዚያ ባነሰ ወይም በበለጠ የጊዜ ገደብ ውስጥ) አካውንት ካልከፈተ ወይም የተላከለትን መለያ ቁጥር (voucher) በመጠቀም ገንዘቡን ካላወጣ፣ ኢትዮ ቴሌኮም ግብይቱን ይሰርዘዋል፤ እንዲሁም ኢ-ገንዘቡ (E-Money) ወደ ላኪዉ አካውንት ተመላሽ ይደረጋል። ስለ ግብይቱ መሰረዝ እና ስለ ገንዘቡ ተመላሽ መሆን (reversal) የፅሁፍ መልዕክት (SMS) ማሳወቂያ ይደርስዎታል።
• አንድ ግብይት አንዴ ከተጠናቀቀ የመጨረሻ እና የማይሻር (irrevocable) ነው። በመሆኑም ኢትዮ ቴሌኮም ማንኛውንም ግብይት ወደነበረበት የመመለስ (reverse የማድረግ) ምንም ዓይነት ግዴታ የለበትም።
• አንቀጽ 7.11 ላይ የተጠቀሰው ቢኖርም፣ ኢትዮ ቴሌኮም ግልጽ የሆነ ስህተት፣ ማጭበርበር፣ ማስገደድ ወይም የወንጀል ተጽዕኖን ጨምሮ በቂ ምክንያቶች ባሉበት ጊዜ በራሱ ውሳኔ ግብይቱን የመሰረዝ ወይም ወደነበረበት የመመለስ (reverse )የማድረግ መብቱ የተጠበቀ ነው። ይህ መብት በሚከተሉት ሁኔታዎች ላይ የተመሰረተ ነው፦ (ሀ) ተቀባዩ ኢ-ገንዘቡን (E-Money) ወጪ ያላደረገው (ያልተጠቀመበት) ከሆነ፤ (ለ) ተቀባዩ ገንዘቡ ተመላሽ እንዲሆን ፈቃደኛነቱን የገለጸ ከሆነ፤ እና (ሐ) የተመላሽነት ጥያቄው ስህተቱ ከተፈጸመበት ቀን ጀምሮ በአንድ (1) ወር ጊዜ ውስጥ የቀረበ ከሆነ።

• በቴሌብር ሥርዓት ውስጥ የተመዘገቡ ከሆኑ እና ከሌላ የቴሌብር ተጠቃሚ ወይም በዓለም አቀፍ የገንዘብ ዝውውር (international money remittance) በኩል ኢ-ገንዘብ (E-Money) እንደደረስዎ የሚገልጽ የፅሁፍ መልዕክት (SMS) ከደረስዎ፣ ኢ-ገንዘቡ ወዲያውኑ ወደ ቴሌብር አካውንትዎ ገቢ ይደረጋል፤ እንዲሁም በስልክዎ ላይ ያለውን የቴሌብር ማውጫ (menu) ምርጫዎችን በመከተል ኢ-ገንዘቡን ከማንኛውም ወኪል (Agent Outlet) ወይም የኤቲኤም (ATM) አውታረ መረቦች ላይ ወደ ጥሬ ገንዘብ በመቀየር ገንዘቡን ለሶስተኛ ወገን ማስተላለፍ ይችላሉ።
• በስህተት ገንዘብ የደረስዎ ከሆነ፣ ገንዘቡን ለላኪው የመመለስ ግዴታ ያለብዎት ስለመሆኑ ተሰማምተዋል ፡፡ ይህንን ባያደረጉ ኢትዮ ቴሌኮም ክፍያውን ወደ ላኪው መልሶ (reverse አድርጎ) ሊያስተላልፍ ይችላል።

የቴሌብር የንግድ ምልክትን (trademark) ጨምሮ በቴሌብር አገልግሎት ውስጥ ያሉ ማናቸውም የአዕምሯዊ ንብረት መብቶች የኢትዮ ቴሌኮም ንብረቶች ናቸው። ከኢትዮ ቴሌኮም እና/ወይም ከተባባሪ አካላቱ አስቀድሞ በጽሑፍ የተሰጠ ግልጽ ፈቃድ ሳይኖር፣ የቴሌብር ቁሳቁሶችን ወይም አዕምሯዊ ንብረትን ያለአግባብ ማባዛት፣ ማሻሻል፣ ማሰራጨት ወይም ድጋሚ ማተም (ማውጣት) በጥብቅ የተከለከለ ነው።