ለድርጅቶች የቀረቡ የሞባይል ጥቅሎችን ከመጠየቅዎ በፊት ይህንን ደንብና ሁኔታ በጥንቃቄ ያንብቡ

ስለብቁነት:

• ይህ አገልግሎት ለቅድመ ክፍያ፣ ድህረ ክፍያ ወይም ሀይብሪድ የሆኑ የሞባይል አካውንቶች በሙሉ መጠየቅ ይችላሉ፡፡
• ጥቅሎቹ የቀረቡት ለ2ጂ፣ 3ጂ፣እና 4ጂ ኔትወርክ ተጠቃሚዎች ብቻ የቀረቡ ናቸው፡፡

የግዢ አማራጮች:

• የሞባይል ጥቅሎቹን ለመግዛት በአቅራቢያዎ የሚገኝ የድርጅት አገልግሎት መስጫ ማዕከሎቻችንን ይጎብኙ፡፡
• ጥቅሎቹን ለአንድ ጊዜ ብቻ ወይም በየወሩ በቋሚነት መግዛት ይችላሉ፡፡

የጥቅል ዓይነት:

• ጥቅሎቹን ለሰራተኞችዎ በቡድን ወይም ለተመረጠ አንድ ሰራተኛ ብቻ መግዛት ይችላሉ፡፡

ስለአጠቃቀም ደንብና ሁኔታዎች:

• የቡድን ጥቅሎችን ስለማጋራት

• በድርጅት ስም የተገዛን የሞባይል ጥቅል ለሌላ ሶስተኛ ወገን ማጋራት አይቻልም፡፡
• ነገር ግን በድርጅቱ ስም ሳይሆን በግልዎ የገዙት የሞባይል ጥቅል ሞባይል ቁጥርዎ ላይ ካለ ግን ለእዛ ሞባይል በተፈቀደው ልዩ ደንብና ሁኔታ ለሌሎች ሊያጋሩት ይችላሉ፡፡
  • ጥቅል ስለመቀየር
• የድምፅ እና መልዕክት ጥቅሎን በተመለከተ:በመደበኛው የሞባይል ጥቅል መቀየሪያ ህግ መሰረት መቀየር ይቻላል፡፡
• ዳታ ጥቅሎች(ከ500 ሜ.ባ እስከ 20 ጊ.ባ) ያሉት ወደ ሌላ ጥቅል መቀየር ይችላሉ፡፡
• ሌሎች ዳታ ጥቅሎች ማለትም 30 ጊ.ባ፣ 50 ጊ.ባ፣100 ጊ.ባ፣ 150 ጊ.ባ እና ያልተገደበ ጥቅሎች ወደ ሌላ ጥቅል ቀይረው መጠቀም አይችሉም፡፡
  • የድምፅ እና የመልዕክት ጥቅሎችን በተመለከተ:እነዚህ ጥቅሎች ለመደወልም ሆነ መልዕክት መላላክ የሚፈቀደው ከተመሳሳይ የኢትዮ ቴሌኮም ኔትወርክ ቁጥር ብቻ ነው፡፡ ወደ ሌላ የአገር ውስጥ ኔትወርክ ለመደወል /መልዕክት ለመላላክ አያስችሉም፡፡
  • ከጥቅል ውጪ ሲጠቀሙ:የቀረቡትን ጥቅሎች ከወር በፊተ ቀድመው ቢጨርሱ የአገልግሎት ቀኑ (Expiry date) እስኪደርስ ድረስ ከዚህ በታች በተጠቀሱት ዝቅተኛ ዋጋዎች የሚከፍሉ ይሆናል፡፡
• ዳታ:15 ሳንቲም በሜ.ባ
• ድምጽ: 40 ሳንቲም በደቂቃ
• መልዕክት: 15 ሳንቲም በመልክዕት

አጠቃላይ ህጎች

• ነባር የሞባይል ጥቅል ደንብና ሁኔታዎች ተፈፃሚነት አላቸው፡፡

ዋጋ በተመለከተ

• ሁሉም ዋጋዎች 15% ተጨማሪ እሴት ታክስ እና 2% የኤክሳይስ ታክስ ያካተቱ ናቸው፡፡

አገልግሎቱን ለማግኘት

• የሞባይል ጥቅሎቹን ለመግዛት በአቅራቢያዎ የሚገኝ የድርጅት አገልግሎት መስጫ ማዕከሎቻችንን ይጎብኙ፡፡