እዚ ስምምዕ (ካብዚ ንደሓር "ውዕላትን ቅጥዕታትን" ተባሂሉ ዝፅዋዕ) ቴሌብር ወቢ ግልጋሎት ንኡስ ልቓሕ ዝምልከት ሓፈሻዊ ውዕላትን ቅጥዕታትን ዝሓዘ እዩ።

እዞም ውዕላትን መምርሕታትን ከምኡ’ውን ምስዚ ዝተኣሳሰረ ዝኾነ ይኹን ምምሕያሻትን ለውጥታትን ቴሌብር ወቢ ግልጋሎት ንኡስ ልቓሕ ብተለቃሒ ዓሚል ድሕሪ ምንባብን ተቐባልነት ምርካብን (ይስማዕምዑ ዝብል ኣማራፂ ብምጥዋቕ) ዝትግበሩ ውዕላት ይኾኑ።

1. ትርጉም

ኣብዚ ውዕላትን ቅጥዕታትን ኵነታትን መረዳእታ ውሽጢ ዝተዘርዘሩ ቃላት ነዚ ዝስዕብ ትርጕም ኣለዎም:

• “ባንኪ ሲንቄ" ማለት ምስ ኢትዮ ቴሌኮም ብምትሕብባር ንዓማዊል ቴሌብር ቴሌብር ወቢ ግልጋሎት ንኡስ ልቓሕ ንምሃብ ዝተሰማዓምዐ ቁፅፅር ዘለዎ ትካል ፋይናንስ ማለት እዩ።
• "ኢትዮ ቴሌኮም" ማለት ፍቓድ ዘለዎ ናይ ክፍሊት መሳርሒ ማለት ምስ “ባንኪ ሲንቄ" ብምትሕብባር ቴሌብር ወቢ ንኡስ ግላጋሎት ልቓሕ ናይ ተንቀሳቓሲ ገንዘብ ግልጋሎት ንዓማዊሉ ከቕርብ ዝተሰማምዐ እዩ ።
• “ብሄራዊ ባንክ ኢትዮጵያ” ማለት ብመሰረት ኣዋጅ ቁፅሪ 591/2001 ንፋይናንሳዊ ትካላት ፍቓድ ንምሃብን ንስራሕተን ዝከታተልን ዝተጣየሸ ትካል ማለት እዩ።
• "ቴለብር" ማለት ናይ ሞባይል ገንዘብ ኣገልግሎት ኮይኑ፡ ዓማዊል ብሞባይሎም ተጠቒሞም ፋይናንሳዊ ኣገልግሎት ክረኽቡ ዘኽእሎም ንግዳዊ ስም ኢትዮ ቴሌኮም እዩ።
• "ቴሌብር ኣካውንት" ማለት ተጠቀምቲ ቴሌብር ብኤሌክትሮኒካዊ ኣገባብ ገንዘብ ዘቐምጥሉ፣ ዝልእኹሉን ዝቕበሉሉን ኣካውንት ማለት እዩ።
• “ቴሌብር ወቢ ግልጋሎት ንኡስ ልቓሕ” ማለት በዞም ሕግታትን ቅጥዕታትን መሰረት ብምግባር ውልቀ ዓማዊል ባንኪ ሲንቄ ኢትዮ ቴሌኮምን ሓባራዊ ምትሕብባር ብኤሌክትሮኒካዊ ገንዘብ ልቓሕ ክረኽቡ ዝኽእሉ ዓይነት ኣገልግሎት ማለት እዩ።
• “ ቴሌብር ሲንቄ ግልጋሎት ንኡስ ልቓሕ ማለት ባንኪ ሲንቄ ምስ ኢትዮ ቴሌኮም ብምትሕብባር ብቴሌብር ኣቢሉ ንሰራሕተኛታት ውልቀን መንግስታውን ትካላት ብመሰረት ኣብ ታሕቲ ዝተቐመጡ ሕግታትን ቅጥዕታትን ዝህቦ ኣገልግሎት ልቓሕ ማለት እዩ።
• "ውልቃዊ ዓሚል" ማለት ብስሙ ናይ ቴሌብር ኣካውንት ዘለዎን ናይ ቴሌብር ወቢ ንኡስ ግልጋሎት ልቓሕ ክወስድ ዝተሰማምዐን ተፈጥሮኣዊ ሰብ ማለት እዩ።
• "ኤሌክትሮኒካዊ ገንዘብ/ኢ-መኒ" ማለት ብዓሚል ዝመሓደርን ምስ ብር ኢትዮጵያ ዝመጣጠን መጠን ገንዘብ ዝውክልን ኣብ ናይ ዓሚል ቴሌቡር ሕሳብ ዘሎ ዋጋ ኤሌክትሮኒካዊ ገንዘብ ማለት እዩ።
• "ንስኻ" ወይ "ናትካ" ክብሃል ከሎ ፡ እቲ ውልቀ ሰብ ዓሚል እዩ ፣ ንብሕታዊ ተወከልቲ እቲ ውልቀ ሰብ እውን የጠቓልል እዩ ፣
• "ንሕና" "ናትና" "ንዓና" ማለት ባንኪ ሲንቄን ኢትዮ ቴሌኮምን ማለት እዩ፣
• "ግልጋሎት ክፍሊት" ማለት ውልቀ ዓማዊል ነቲ ናይ መፍትሒ ልቓሕ ኣገልግሎት ንምጥቃም ዝገብርዎ ክፍሊት ማለት እዩ። መጠን ናይዚ ክፍሊት ብናይ ኢትዮ ቴሌኮምን ባንኪ ሲንቄን ኣብ ዝኾነ እዋን ኣቐዲምካ ምፍላጥ ክቕየር ይኽእል እዩ።
• “መዓልታዊ ክፍሊት" ማለት እቲ ውልቀ ዓሚል ኣብቲ ዘይተኸፍለ መጠን ዕዳ ዝወሰዶ ዓይነት ልቓሕ መሰረት ብምግባር መዓልታዊ ዝኽፈል ዓይነት ክፍሊት ማለት እዩ።
• "ክፍሊት መቕጻዕቲ" ማለት እቲ ውልቀ ዓሚል ብመሰረት ውዕሊ መጠን ልቓሕ እንተዘይከፊሉ ዝኸፍሎ ገንዘብ ማለት እዩ።
• “ናይ ክፍሊት መዓልቲ“ ማለት እቲ ውልቀ ዓሚል ልቓሕ ክኸፍልን ክውድኦን ትፅቢት ዝግበረሉ ናይ መወዳእታ መዓልቲ ማለት እዩ።
• "ሕማቕ ልቓሕ" ማለት ካብ ዕለት ልቓሕ ጀሚሩ ኣብ ውሽጢ 90 መዓልቲ ዘይተኸፍለ ልቓሕ፣ ብሰንኪ ዘይምኽፋል ድማ ከም ሕማቕ ልቓሕ ዝቑፀር ማለት እዩ።
• . እቶም ብጾታ ኣንስታይ ዝግለጹ ንጾታ ተባዕታይ፡ እቶም ብጾታ ተባዕታይ ዝግለጹ ድማ ንጾታ ኣንስታይ ይጥቀሙ።
• ውልቀ-ሰብ ዝብል ቃል ንጾታ ወዲ ተባዕታይን ኣንስተይትን ንምግላጽ ይጥቀመሉ።

2. ምቕባል ውዕላትን ቅጥዕታትን
   • ቅድሚ ቴሌብር ወቢ ንኡስ ግልጋሎት ልቓሕ ንምጥቃም ምምልካትካ ነዞም ውዕላትን ቅጥዕታትን ብጥንቃቐ ኣንቢብካ ንኣጠቓቕማ ልቓሕን መምርሕታትን ብ፥ርዳእ ክትስማዕማዕ ኣለካ።
   • ምስዞም ቃላትን ዅነታትን ዘይትሰማማዕ እንተድኣኮይንካ ፡ ካብቲ መማረፂ ውሽጢ ኣብ " ኣጥፍእ" ጠውቕ ።
   • ነዚ ውዕልን ኵነታትን ምስ ኣንበብካ ከም እተረዳእካን ከም እተቐበልካን ጌርካ ኽትሕሰብ ኢኻ: ክፍሊት ልቓሕ ንምጥቃም ከምተስማዕማዕካ ይሕሰብ፥ ውዕልን ኩንታትን ብምንባብ ተረዲእኻ ንምኽባር ምስምዕማዕኻ “ ይስማዕምዑ” ዝብል መማረፂ ምስጠወቑ ይኸውን።
   • ቴሌብር ወቢ ንኡስ ግልጋሎት ልቓሕ ምስ ኢትዮ ቴሌኮም ኣገልግሎት ንምትግባርን ብስርዓት ቴለብር ብኤሌክትሮኒካዊ ኣገባብ ጥራይ ኣገልግሎት ልቓሕ ክትጥቀምን ተስማዕሚዕኻ ኢኻ።
   • እቶም ውዕላትን ቅጥዕታትን ብኢትዮ ቴሌኮምን ባንኪ ሲንቄ በብእዋኑ ክቕየሩ ወይ ክስተኻኸሉ እንተለው ኣብ ፖርታል ቴሌብር፣ ኣብ ቴሌብር መተግብሪ ወይ መረበብ ሓበሬታ ከምዝበፅሖም ክግበር እንተሎ ካብ ዝሕተሙሉ መዓልቲ ጀሚሩ ኣብ ዓሚል ተግባራዊ ክኾኑ እዮም።
   • እቲ ዓሚል ነቲ ልቃሕ ንሕጋዊ ዕላማ ንክጥቀመሉ ተስማዕሚዑ።
3. እንደራስ ንኡስ ግልጋሎት ልቓሕ ንምጅማር

ግልጋሎት ልቓሕ ካብ ኢትዮ ቴሌኮምን ባንኪ ሲንቄ ግልጋሎት ንምጅማር እንተነኣሰ።

• ነዚ ውዕላትን ቅጥዕታትን ከተንብብ፣ ክትርድኦን ክትሰማማዕን ይግባእ፤
• ወዲ 18 ዓመትን ልዕሊኡን ክትኮን ኣለካ
• ናይ ኢትዮ ቴሌኮም ግልጋሎት ዝህብ ሲም ካርድ ምሓዝ ።
• ንጡፍ ተጠቃሚ ግልጋሎት ቴሌብርን ኢትዮቴልኮምን: ከም ዳታ / ድምፂ / ሓፂር መልእኽቲ ዝኣመሰሉን ምዃን
• ፃንሒት ግዜ ምዝገባ ቴሌብር 3 ወርሒ ወይ ልዕሊኡ ክኸውን ኣለዎ።

ዓማዊል ነቲ ግልጋሎት ንምጥቃም ፡ USSD * 127 # ወይ ድማ ቴሌብር ሱፐር-አፕ ክጥቀሙ ኣለዎም

4. ቴሌብር ወቢ ግልጋሎት ንኡስ ልቓሕ ንምርካብ መሰረታዊ ረቛሒታት
   • ናይ ሓደ ዓሚል ናይ ልቓሕ ዓቕሚ ቅድሚ እቲ ግልጋሎት ክፍሊት ልቓሕ ክጥቀም ዝሓተተሉ ዕለት ዕለት፣ ቅድሚ ሕዚ ዝነበረ ናይ ልቓሕ ምምላስ ታሪኽን/ወይ ኣጠቓቕማ ኣገልግሎት ቴሌኮምን ብናይ 6 ኣዋርሕ ቴለበር ፋይናንሳዊ ንጥፈታት ዓሚል ይውሰን። እዞም ዝስዕቡ ናይ ቴሌብር ትራንዛክሽንን ዕድጊትን ናይ ሓደ ዓሚል ልቓሕ ብቕዓት ንምሕሳብ ይጥቀሙ።

• ናይ ኣየር ሰዓት ምምላእ ወይ ጥሙር ግልጋሎት ምምላእ (ብባዕልኻ ወይ ካብ ወከልቲ)፤
• ኣቑሑት ወይ ኣገልግሎት ብምዕዳግ ትራንዛክሽን ምክያድ፤
• ክፍሊት ሕሳብ (ባዕልኻ ወይ ብወከልቲ ኣቢልካ)፤
• ንዓኻ ወይ ንኻልእ ዓሚል ናይ ዩቲሊቲ ኣገልግሎት ክፍሊት (ባዕልኻ ወይ ብወከልቲ ኣቢልካ)
• ክፍሊት ብቴሌብር(ክፍሊት መዓልታዊ ሰራሕተኛታት፣ ደሞዝ፣ ሓገዝ፣ ጡረታ፣...)
• ንዓኻ ወይ ንኻልእ ዓሚል ዝኸውን ክፍሊት ቢል (ርእሰ-ሓገዝ ወይ ብወከልቲ ኣቢልካ)፤
• ካብ ወፃኢ ሃገር ገንዘብ ምቕባል
• ክፍሊት ትኬት
• ናይ ገንዘብ ምትእኽኻብ ሓገዝ ክፍሊት (ፈንድ ረይዚንግ)፣
• ብመንገዲ ወኪላት ቴለብር ገንዘብ ምቕባልን ወፃኢ ምግባርን፤
• ግልጋሎት ዕቋር
• ገንዘብ ምልኣኽ
• ግልጋሎት ቴሌኮም (ድምፂ፣ ዳታ ወይ መልእኽቲ) ወዘተ።
• ቅድሚ ሕዚ ብቴሌብር ዝተወሰደ ልቓሕ ብግቡእ ናይ ምምላስ ታሪኽ
• ዓማዊል ብቑዓት ንኽኾኑ ካብ ግልጋሎት ቴሌኮም ብተወሳኺ ግልጋሎት ቴለብር ክጥቀሙ ኣለዎም
  • ቴሌብር ወቢ ንኡስ ግልጋሎት ልቓሕ ንምርካብ ብቴሌብር ኣቢልካ ወርሓዊ ደሞዝ ምቕባል ወይ ድማ እቲ ሰራሕተኛ ምስ እቲ ዝሰርሓሉ ትካል ስምምዕ ምግባር እኹል እዩ።

5. መጠን ልቃሕን ክፍሊትን
   • በቲ ዝተፈቐደ መሰረት ኣብ መንጎ 'ቲ ዝተሓተን ዝለዓለን መጠን ገንዘብ ዝኾነ ይኹን መጠን ክትልቅሑ ትኽእሉ ኢኹም ።
   • .እቲ ዝተሓተተ መጠን ልቓሕ ምስ ረኸብካ፡ ናብቲ ቀንዲ ናይ ቴለብር ሕሳብካ (ኤሌክትሮኒካዊ ገንዘብ ሕሳብ) ይኣቱ።
   • .ካልእ ልቓሕ ንምርካብ መጀመርያ ነቲ ዝወሰድካዮ ልቃሕኻ ክትመልሶ ይግባእ።
   • ዘለካ ልቓሕ በቲ ዝተቐመጠ ናይ ግዜ ግደብ ውሽጢ ብኽፋል ወይከዓ ሙሉእ ብሙሉእ ክትከፍሉ ትኽእሉ ኢኹም ።
   • . ከከም ዓይነት ልቓሕ ናይ ልቓሕ ምምላስ ግዜ 5 መዓልቲ፣ 10 መዓልቲ፣ 30 መዓልትን፣ 45 መዓልትን ፣ 14 ወርሒ እዩ።
   • ናይ 5 መዓልቲ፣ 10 መዓልቲ፣ 30 መዓልቲ፣ 45 መዓልቲ ዝለዓለ መጠን ልቓሕ ብቅደም ተከተሎም 5,000 ቅርሺ፣ 6,000 ቅርሺ፣ 15,000 ቅርሺ፣ 30,000 ቅርሺ እዩ። ናይቶም ኣቐዲሞም ዝተጠቕሱ ናይ ልቓሕ መዓልታት ዝተሓተ መጠን ልቓሕ ብቅደም ተከተሎም 100 ቅርሺ፣ 100 ቅርሺ፣ 200 ቅርሺ፣ 5,000 ቅርሺ እዩ።
   • ናይ ሸውዓተ መዓልታት ልቓሕካ ኣብ ውሽጢ 5 መዓልታት እንተኸፊልካ፡ ካብ ካልኣይ መዓልቲ ጀሚርካ ብዝረኸብካዮ ናይ ልቓሕ መጠን መሰረት፡ ኣብ ቀዳማይ መዓልቲ ካብ ዋና ገንዘብ 1.5%፡ ካብ 0.35% ክሳብ 1.2% ድማ ካብ ዋና ገንዘብ ኣብ መዓልቲ ክትከፍል ኢኻ።
   • ናይ ሸውዓተ መዓልታት ልቓሕካ ኣብ ውሽጢ 10 መዓልታት እንተኸፊልካ፡ ካብ ካልኣይ መዓልቲ ጀሚርካ ብዝረኸብካዮ ናይ ልቓሕ መጠን መሰረት፡ ኣብ ቀዳማይ መዓልቲ ካብ ዋና ገንዘብ 2%፡ ካብ 0.3% ክሳብ 0.9% ድማ ካብ ዋና ገንዘብ ኣብ መዓልቲ ክትከፍል ኢኻ።
   • ናይ ሰላሳ መዓልቲ ልቓሕካ ኣብ ውሽጢ 30 መዓልታት እንተኸፊልካዮ፡ ኣብታ ቀዳመይቲ መዓልቲ 4% ናይቲ ልቓሕ ገንዘብ ክትከፍል ኢኻ፡ ድሕሪኡ ድማ፡ ብመሰረት ናይ ልቓሕ መጠንካ ካብ 0.3% ክሳብ 1% ኣብ መዓልቲ ተወሳኺ ናይ ኣገልግሎት ክፍሊት ክትከፍል ኢኻ።
   • ኣብ ውሽጢ 45 መዓልታት ናይ ሓምሳ መዓልቲ ልቓሕካ ኣብ ግዚኡ እንተኸፊልካዮ፡ ካብቲ ልቓሕ ዝረኸብካዮ መጠን 6.5% ናይ ኣገልግሎት ክፍሊት ትኸፍል፡ ድሕሪኡ እንተኸፊልካ ድማ ብመሰረት ናይ ልቓሕ መጠንካ ካብ 0.5% ክሳብ 0.67% ኣብ መዓልቲ ተወሳኺ ናይ ኣገልግሎት ክፍሊት ትኸፍል።
   • ንወቢ ደመወዝ ዝኸውን ክፍሊት ልቓሕ በቲ ዝወሰድካዮ ናይ ልቓሕ ግዜ ተኸፋፊሉ በብቑሩብ ይኽፈል።
   • ናይ መኽፈሊ ግዜ 14 ወርሒ ንዝኾነ ናይ 5 ወርሒ ደመወዝ ወቢ ደመወዝ ልቓሕ 19.5% ናይ ግልጋሎት ክፍሊት ይኸፍሉ።
   • ዘለካ ዕዳኻ ኣብ ግዚኡ እንተዘይከፊልካዮ፡ በቲ ዘይተኸፍለ መጠን ልቓሕካ መዓልታዊ ዝሕሰብ 0.11% ናይ መቕጻዕቲ ክፍሊት ክትከፍል ኢኻ።
   • እቲ ውልቀ ዓሚል ድሕሪ እቲ ዝተመደበሉ ዕለት ኣብ ውሽጢ 90 መዓልታት ልቓሕ እንተዘይከፊሉ እቲ ዘይተኸፍለ ዕዳ ብቐጥታ ካብቲ ናይ ዕቋር ሕሳብ ይቑረጽ።
   • ናይ ቦነስ ገንዘብ ዝረከብካዮ ንልቓሕ ክፍሊት ኣይውዕልን እዩ።
   • እቲ ልቓሕ ግዚኡ ኣብ ዝኣተወሉ እዋን ከይተኸፍለ እንተድኣ ኮይኑ ኢትዮ ቴሌኮምን ባንኪ ሲንቄን ኣድላይ ኣብ ዝኾነሉ እዋን ካብ ናይ ዕዳ ዘለዎ/ውልቀ ዓሚል ባንኪ ሲንቄ ወይ ናይ ካልኦት ባንክታት ሕሳብ ቀጥታዊ ምኽፋል ሓዊሱ ዝኾነ ይኹን ኣማራፂ መንገዲ ተጠቒሞም ካብቲ ፍርድ ቤት ወፃኢ ዘሎ መማረፂ ነቲ ዕዳ ክእክቡ ይኽእሉ እዮም።
   • እቲ ውልቀ ዓሚል ድሕሪ እቲ ናይ ክፍሊት መወዳእታ ግዜ ብእዋኑ እንተዘይከፊሉ ኢትዮ ቴሌኮምን ባንኪ ሲንቄን ነቲ ዝተረፈ መጠን ልቓሕ ብቕጽበት ካብ ሒሳብ ቴሌበር ይቑረጽ።
   • እቲ ውልቀ ዓሚል ኢትዮ ቴሌኮምን ባንኪ ሲንቄን ካብ ቤት ፍርዲ ወፃኢ ብተመሳሳሊ መንገዲ ዕዳ ንምእካብ ዝኾነ ይኹን ኣማራፂ ሜላ ተጠቒምካ መንበሪ ወይ ናይ ስራሕ ኣድራሻ ናይቲ ውልቀ ዓሚል ብምርካብ ዕዳ ናይ ምእካብ መሰል ከምዘለዎም ተስማዕሚዑ እዩ።
   • እቲ ውልቀ ዓሚል እቲ ዕዳ ግዚኡ ኣብ ዝኣተወሉ እዋን እንተዘይተኸፊሉ ኢትዮ ቴሌኮምን ባንኪ ሲንቄ ናይቲ ውልቀ ዓሚል ውልቃዊ ሓበሬታ ናብቲ ኣብ ምእካብ ዕዳ ዝነጥፍ ሳልሳይ ኣካል (ትካል ወይ ውልቀ ሰብ) ከረክቡ ከምዝኽእሉ ተስማዕሚዑ እዩ።
   • ኢትዮ ቴሌኮምን ባንኪ ሲንቄ እቲ ዕዳ ካብ ቤት ፍርዲ ወፃኢ ብተመሳሳሊ ኣገባብ እንተዘይተኸፊሉ፣ ብገዛእ ርእሶም ወይ ብኻልእ ወሃቢ ሕጋዊ ኣገልግሎት ወይ ብውልቀ ጠበቓ ኣቢሎም ናብ ስሩዕ ቤት ፍርዲ ናይ ምቕራብ ሙሉእ መሰል ኣለዎም።
6. ተግባራዊ ዝኾነ ሕጊ

ሕግታት ፈደራላዊት ዴሞክራስያዊት ሪፐብሊክ ኢትዮጵያ ፣ መምርሒታት ብሄራዊ ባንኪ ኢትዮጵያን ከምኡ "ውን ኣገደስቲ ኣገባባት ናይ ባንኪ ሲንቄን ኢትዮ ቴሌኮምን በዞም ቅጥዕታትንን ኩነታታትን እዚ ስምምዕነት ክመሓደሩ ኣለዎም።

7. ብዛዕባ ሓበሬታ ምሕታት

ምስ ግላጋሎት ቴሌብር ወቢ ኣሰራርሓ፣ ሕግታትን ቅድመ ኩነታትን ዝተኣሳሰር ዝኾነ ይኹን ሕቶ፣ ናብ ማእከል ርክብ ዓማዊል ቴለበር (127 ) ደዊልኩም፣ ናብ 126 ሓጺር መልእኽቲ ብምልኣኽን ኣብ ገጻት ማሕበራዊ መራኸቢታት ቴለበር (https://telehub.ethiotelecom.et/) ተወሳኺ ሓበሬታ ክትረኽቡ ትኽእሉ ኢኹም።

8. ምቁራፅ ውዕሊ

ዝኾነ ይኹን ንኡስ ዕቋርን ልቓሕን ኣገልግሎታት ብሰንኪ ዘይግቡእ ኣጠቓቕማኹም ወይ ምትላልኹም ብዘይ ኣቐዲምካ መጠንቀቕታ ወይ ምፍላጥ ምሉእ ብምሉእ ወይ ብኸፊል ናይ ምቁራጽ መሰልና ዝተሓለወ እዩ። ምቁራጽ ናይዚ ስምምዕ፡ ብሙሉእ ይኹን ብኸፊል፡ ንመሰላትን ግዴታታትን ክልቲኦም ተስማዕማዕቲ ወገናት ዝፀሉ ኣይኮነን።

9. ጥርዓን

ጥርዓን ብኣካል ፣ ብፅሑፍ ፣ ብፖስታ ፣ ብፋክስ ፣ ብኢሜይል ወይ ብተሌፎን ክቐርብ ይኽእል ። ኢትዮ ቴሌኮም ጥርዓናትኩም ኣብ ውሽጢ ቁሩብ ግዜ ንምፍታሕ ኩሉ ዓይነት ስጉምትታት ክወስድ እዩ ። በቲ ምላሽ እንተ ዘይዓጊብካ ፡ ነቲ ጕዳይ ናብ ባንኪ ሲንቄን ሃገራዊ ባንክ ኢትዮጵያን ብቐደም ሰዓብ ምብፃሕ ትኽእል ኢኻ ።

10. ግጭት ምፍታሕ

ካብዚ ወጻኢ ዝለዓል ወይ ምስዚ ስምምዕ ዝተሓሓዝ ምስሕሓብ ኣብ ላዕሊ ብንኡስ ዓንቀፅ 9 ዘይተፈትሐ ዝኾነ ዓይነት ምስሕሓብ ናብ ፈደራላዊ ቤት ፍርዲ ናይ ኢትዮጵያ ክኸድ  ኣለዎ ።

11. ብሓደራ ዝተትሓዘ ንብረት

ዘለካ ዕዳታት እንተዘይከፊልካ፡ ብፍላይ ኣብ ጥረ ገንዘብኩም፡ ኣቑሑትኩም፡ ዋሕስኹም፡ ሽልማትኩም፡ ቸክኩምን ዝኾነ ተንቀሳቓሲ ወይ ዘይንቀሳቐስ ንብረትኩምን ሓፈሻዊ ከም ዋሕስ ናይ ምሓዝ መሰል ክህልወና እዩ። ዕዳ ክትከፍል እንተዘይክኢልካን መሰል ምኽፋል እንተተፈጢሩን፡ እቲ ከም ዋሕስ ዝተትሓዝ ንብረት ከም ውሕስነት ናይቲ ዘይተኸፍለ ልቓሕ ክውሰድ ይኽእል።

12. ምክእኣል

ኣብ ውሽጢ እቲ ዝተወሰነ ናይ ግዜ ገደብ ድሕሪ ምሕባርና ዝወሰድካዮ መጠን ልቓሕ እንተዘይከፊልካዮ፡ ካብቲ ካልእ ናይ ባንክ ተቐማጢ ገንዘብካ፡ ከም ጥረ ገንዘብ፡ ዕቋር፡ ናይ ግዜ ተቐማጢ ገንዘብ፡ ናይ ሓባር ወይ ውልቃዊ እንትህልወካ በቲ ዕዳ መጠን ገንዘብ ክንወስዶ ንኽእል

13. ዘይምግዳስ

ናይ ቴሌብር ፓስዋርድ ምስጢራዊ ክኸውን ኣለዎ። ብዘይካኻ ንኻልእ ሰብ ክበፅሖ የብሉን። ፓስዎርድካ ንኻልእ ሳልሳይ ኣካል ብምግላጽ ወይ ብስሩዕ ብዘይምቕያርካ፡ ብዘይፍቓድ ሞባይልካ ብምጥቃም፡ ሞባይልካ ወይ ሲም ካርድካ ምስ ዝስረቕ ወይ ምስ ዝጠፍአ ንዝምልከቶ ወገን ብዘይምሕባር፡ ንዝኾነ ይኹን ክሳራ/ጉድኣት ብሕታዊ ተሓታቲ ኢኻ።